الكورة مش مع عفيفي #3 - تحليل مباراة الزمالك وليوباردز 26-7-2015
- 5 years ago
صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z
متصدر كل البطولات يحقق العلامه الكاملة باقوى هجوم و اقوى دفاع كالعادة .. الزمالك الأول في كل مكان .. ها في حد مش عاجبه كلامي .. في حد لسه مش مقتنع؟
مبارة يمكن تقسيمها قسمين .. من الدقيقه 0 للدقيقة 20 و من الدقيقه 20 للدقيقه 90 .. 20 دقيقه هايلين بستايل شبة مختلف عن الستايل المعتاد لينا .. ضغط متقدم على الخصم في التلت التاني من الملعب و بالتالي استرجاع سريع للكورة و افقاده ثقة الأستحواذ مع نقلها من تحت لفوق بسهولة وسلاسة و دقة .. فيريرا بالضغط المبكر قدم نسخة مختلفة لمدة 20 دقيقة
من الدقيقه 20 للدقيقة 90 نفس ستايل لعب الزمالك المعتاد لكن بنسخة رديئة .
ساعات بفكر ان عدم الضغط على الخصم بطول الملعب تعليمات ده من فيريرا لتجنب الأرهاق نظرا لتتابع الماتشات في وقت قصير .. هو مبرر منطقي الحقيقة لكن برجع اقول لنفسي لو هو مركز اوي كده على الأجهاد البدني مبيعلمش روتاشن ليه .. ابراهيم صلاح مثلا اللي رجله شدت اخر الماتش مبيريحش لطارق حامد شوية ليه؟ احمد سمير اللي عنده كورة و هربانه منه الثقه ده مبياخدش في ماتشات كتير ليه؟ و بعدين في سؤال مهم : دويدار فين؟ .. و في كمان سؤال تاني مهم : دويدار فين؟
معلش تعالى هنا يا خالد .. انت عملت ماتش افضل كتير من كل مره و في اللقطه دي انا عارف انك مش اوفسايد بس ممكن تقولي دخلت في الكورة اصلا ليه؟ جول مزيكا من حفني مصعبش عليك تحشر نفسك فيه كده .. كلاكيت تاني مره التفكير المبالغ فيه في الخروج من حالة سلبية بيؤدي لاستمرارها بل و تعقيدها .. فكر في الأنجاز الجماعي هتلاقي الإنجاز الفردي بيحصل لوحده و يمكن اكتر و اسهل و اسرع مما تتوقع
لازم نبقى واخدين بالنا ان اللي بياخد انذارين بيتوقف ماتش و لو نفس اللاعب اخد انذارين تاني بيتوقف ماتشين .. حفني و ابراهيم صلاح و توفيق اخدوا انذارين مش هيلعبوا ماتش ليوبار في الكونجو فلازم يلعبوا اخر ماتشين في دوري المجموعات بالشوكه و السكينه .. في المقابل كل اللي عنده انذار لازم ينضف نفسه قبل السيمي فاينال .. يارب منتفاجاش المفاجأه المعتاده اننا داخلين على ماتشات مصيريه و نص لاعيبتنا موقوفين او مهددين بالأيقاف حرصا على صحتنا الأنجابيه بس
قرار الزمالك بالتكفل بعلاج رودي نداي هو قرار بيعكس قيمة و قامة الزمالك الخالده و الباقية ابدا اما سوء حالة الشناوي النفسية فبتعكس انسان طيب من معدن اصيل لكنه غير مسئول اطلاقا عن الأصابة .. الشناوي كانت رجلة واطيه و لعب على الكورة و محصلش منه لا تعمد ايذاء ولا حتى اهمال او تهور .. ربنا يشفي رودي نداي و يقومة بالسلامة وميكتبش على حد يتعرض او يشوف حتى حد تاني بيتعرض للموقف ده
ممكن تتفق او تختلف مع وايت نايتس زي ما انت عايز لكن متقدرش متفتقدهمش في يوم تتويج الزمالك ببطولة غايبة بقالها 11 سنه .. مجرد تخيل شكل الملعب اللي كان ممكن يكون و لغيابهم مش هيكون بيثير الحزن .. ربنا يصلح الحال و يجمع كل ما هو زملكاوي على الخير
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z
متصدر كل البطولات يحقق العلامه الكاملة باقوى هجوم و اقوى دفاع كالعادة .. الزمالك الأول في كل مكان .. ها في حد مش عاجبه كلامي .. في حد لسه مش مقتنع؟
مبارة يمكن تقسيمها قسمين .. من الدقيقه 0 للدقيقة 20 و من الدقيقه 20 للدقيقه 90 .. 20 دقيقه هايلين بستايل شبة مختلف عن الستايل المعتاد لينا .. ضغط متقدم على الخصم في التلت التاني من الملعب و بالتالي استرجاع سريع للكورة و افقاده ثقة الأستحواذ مع نقلها من تحت لفوق بسهولة وسلاسة و دقة .. فيريرا بالضغط المبكر قدم نسخة مختلفة لمدة 20 دقيقة
من الدقيقه 20 للدقيقة 90 نفس ستايل لعب الزمالك المعتاد لكن بنسخة رديئة .
ساعات بفكر ان عدم الضغط على الخصم بطول الملعب تعليمات ده من فيريرا لتجنب الأرهاق نظرا لتتابع الماتشات في وقت قصير .. هو مبرر منطقي الحقيقة لكن برجع اقول لنفسي لو هو مركز اوي كده على الأجهاد البدني مبيعلمش روتاشن ليه .. ابراهيم صلاح مثلا اللي رجله شدت اخر الماتش مبيريحش لطارق حامد شوية ليه؟ احمد سمير اللي عنده كورة و هربانه منه الثقه ده مبياخدش في ماتشات كتير ليه؟ و بعدين في سؤال مهم : دويدار فين؟ .. و في كمان سؤال تاني مهم : دويدار فين؟
معلش تعالى هنا يا خالد .. انت عملت ماتش افضل كتير من كل مره و في اللقطه دي انا عارف انك مش اوفسايد بس ممكن تقولي دخلت في الكورة اصلا ليه؟ جول مزيكا من حفني مصعبش عليك تحشر نفسك فيه كده .. كلاكيت تاني مره التفكير المبالغ فيه في الخروج من حالة سلبية بيؤدي لاستمرارها بل و تعقيدها .. فكر في الأنجاز الجماعي هتلاقي الإنجاز الفردي بيحصل لوحده و يمكن اكتر و اسهل و اسرع مما تتوقع
لازم نبقى واخدين بالنا ان اللي بياخد انذارين بيتوقف ماتش و لو نفس اللاعب اخد انذارين تاني بيتوقف ماتشين .. حفني و ابراهيم صلاح و توفيق اخدوا انذارين مش هيلعبوا ماتش ليوبار في الكونجو فلازم يلعبوا اخر ماتشين في دوري المجموعات بالشوكه و السكينه .. في المقابل كل اللي عنده انذار لازم ينضف نفسه قبل السيمي فاينال .. يارب منتفاجاش المفاجأه المعتاده اننا داخلين على ماتشات مصيريه و نص لاعيبتنا موقوفين او مهددين بالأيقاف حرصا على صحتنا الأنجابيه بس
قرار الزمالك بالتكفل بعلاج رودي نداي هو قرار بيعكس قيمة و قامة الزمالك الخالده و الباقية ابدا اما سوء حالة الشناوي النفسية فبتعكس انسان طيب من معدن اصيل لكنه غير مسئول اطلاقا عن الأصابة .. الشناوي كانت رجلة واطيه و لعب على الكورة و محصلش منه لا تعمد ايذاء ولا حتى اهمال او تهور .. ربنا يشفي رودي نداي و يقومة بالسلامة وميكتبش على حد يتعرض او يشوف حتى حد تاني بيتعرض للموقف ده
ممكن تتفق او تختلف مع وايت نايتس زي ما انت عايز لكن متقدرش متفتقدهمش في يوم تتويج الزمالك ببطولة غايبة بقالها 11 سنه .. مجرد تخيل شكل الملعب اللي كان ممكن يكون و لغيابهم مش هيكون بيثير الحزن .. ربنا يصلح الحال و يجمع كل ما هو زملكاوي على الخير