اتفرج | الغلاء يفرم «لحمة الغلابة» .. «الفشة والعفشة» أسعارهم زادت

«الأسعار نار ومفيش زبائن» جملة واحدة اتفق عليها بائعوا اللحوم و«عفشتها زحلوياتها»، داخل حرم المجزر الآلي للبساتين، فالأسعار ارتفعت بنسبة 90% عن العام الماضي ومنها ما طالته الزيادة بنسبة 100%، ومع تلك الزيادة تغيب الزبائن عن سوق اللحوم رغم قدوم عيد الأضحى خلال أيام قليلة.
بائعوا اللحوم يشتكون من الزيادة التي التهمت أبقارهم. وتقول رضا إحدى البائعات، «كيلو اللحمة كان السنة اللي فاتت بـ 50 و55 جنيه، السنة دي بـ 90 جنيه.. وبشتريه من قلب المدبح بـ 85 جنيه، وأنا هنا في قلب المدبح مش بعيد يعني مش بتكلف نقل».
الطوابير انقطعت عن طاولات اللحم المرصوصة بأشكالها وأنواعها أضافت رضا: «كانت الناس بتيجي تأخذ 10 كيلو، دلوقتي 2 أو 3 كيلو بالكتير، وكان بيكون عليا طوابير.. دلوقتي بنهش وبنش واحنا كمان في موسم مش أيام عادية».
وعن حلويات العجل والأبقار و"عفشته" فالغلاء لم يتركهم أيضًا فكيلو الممبار بـ 25 جنيه، والحلويات و"الفشة" تبدأ من 15 جنيه وأكثر على حسب نوع "الفشة" سواء بقري أو عجل أو جملي أو ضاني، ذلك وفق ما ذكر عبد الله صاحب طاولة يبع عليها الذبائح خارج أسوار المجزر الآلي.
بينما الزبائن تغيب عن المكان الأرخص لبيع اللحوم، ولكن البعض يأتي من أجل شراء «العفشة»، فتقول سمر:«أنا اشتري العفشة ممبار وكوارع وفشة وكل ده من هنا لكن اللحوم لا، لأن المكان ملوث تمامًا ومحتاج تنضيف واهتمام شوية الناس بتبيع والزبالة قدامها».
أما عن الأسعار فيقول فاروق أحد المشترين:« الأسعار غليت نار و كنا بنشتري 2 كيلو بقينا نشتري كيلو واحد بس.. وبنيجي المشوار ده كله وأنا ساكن في المعصرة عشان أوفر كام جنيه».
Follow us on:
▶http://www.itfarrag.com/
▶https://www.facebook.com/itfarragofficial
▶https://twitter.com/itfarrag
▶https://plus.google.com/+Itfarrag