نصائح لأناقتك في فترة الحمل
- 5 years ago
الحمل مرحلة مهمة ومميزة في حياة كل ست، جسمها بيتغير فيها بشكل سريع وبالتالي ستايل ملابسها كمان بيبدأ يتغير، وعلشان في المرحلة دي مهم جدا نكون لابسين لبس مريح لينا وفي نفس الوقت أنيق وبيحافظ على شياكتنا، قررنا النهارده في برنامج "فاشون" نقولك على شوية نصايح تساعدك في المرحلة دي:
- اللبس المناسب في الفترة الأولى من الحمل ودي المرحلة اللي فيها البطن لسه ما كبرتش وهنا بننصحك بلبس هدومك اليومية عادي جدا٬ لكن تجنبي الأحزمة اللي على البطن وكمان الجينز الضيق لأن الجسم في المرحلة دي بيبقى مش مرتاح ومستغرب التغييرات اللي بتحصل له ومش عايزين نفاقم المشكلة.
- بداية من الشهر الخامس هتبدأ بطنك بالظهور، هنا هنستبدل اللبس المعتاد بملابس بقصات واسعة نوعا ممكن نلبس معاها بليزر أو كارديجان وممكن كمان نلبس معاها حزام رفيع تحت الصدر مباشرة.
- الفساتين هتبقى شيك ومريحة في نفس الوقت.
- في الفترة من الشهر السادس للتاسع هتلاحظي إن البطن حجمها بيزيد بصورة سريعة وكبيرة وهنا هنضطر نتوجه لملابس الحمل٬ لو عايزة طلة كاجوال يبقى اختاري البنطلونات الجينز اللي وسطها بيبقى بأستك مع بلوزة أو بلوفر على قد الجسم وممكن صندل أو كوتشي٬ تقدري كمان تلبسي ملابس رياضية قطن لأن الملابس دي مريحة جدا.
- لو عايزة طلة كلاسيك، هنختار القمصان الطويلة مع البنطلونات الكلاسيكية، ممكن كمان نلبس جاكت طويل مع بلوزة قطن وجيبة تكون قماشتها مريحة زي القطن أو الصوف وتجنبي الأقمشة الناشفة زي الجينز والجبردين عشان تبقي مرتاحة طول الوقت. كمان ممكن تلبسي القفطان مع ليجن أو فستان حمل بقصة كلاسيكية وإكسسوارات مناسبة مهم نختار الملابس اللي مقاسنا بالظبط ونتجنب خالص الملابس العادية اللي بتشتريها الحامل بمقاسات كبيرة٬ لأن ده هيظهرك بشكل غير أنيق ومليان بزيادة ومش بيديكي الأناقة اللي إنتي محتاجاها.
- بالنسبة للأحذية فيفضل طبعا ما نلبسش الكعب لفترات طويلة لو كنا مضطرين٬ الكعب مش خطر لو انتي متعودة عليه بس لبسه لفترات طويلة هيسبب ألم في رجلك لأنها في الحمل بتورم، وممكن يزيد من مشكلة وجع الظهر خصوصا في الشهور الأخيرة.
- اللبس المناسب في الفترة الأولى من الحمل ودي المرحلة اللي فيها البطن لسه ما كبرتش وهنا بننصحك بلبس هدومك اليومية عادي جدا٬ لكن تجنبي الأحزمة اللي على البطن وكمان الجينز الضيق لأن الجسم في المرحلة دي بيبقى مش مرتاح ومستغرب التغييرات اللي بتحصل له ومش عايزين نفاقم المشكلة.
- بداية من الشهر الخامس هتبدأ بطنك بالظهور، هنا هنستبدل اللبس المعتاد بملابس بقصات واسعة نوعا ممكن نلبس معاها بليزر أو كارديجان وممكن كمان نلبس معاها حزام رفيع تحت الصدر مباشرة.
- الفساتين هتبقى شيك ومريحة في نفس الوقت.
- في الفترة من الشهر السادس للتاسع هتلاحظي إن البطن حجمها بيزيد بصورة سريعة وكبيرة وهنا هنضطر نتوجه لملابس الحمل٬ لو عايزة طلة كاجوال يبقى اختاري البنطلونات الجينز اللي وسطها بيبقى بأستك مع بلوزة أو بلوفر على قد الجسم وممكن صندل أو كوتشي٬ تقدري كمان تلبسي ملابس رياضية قطن لأن الملابس دي مريحة جدا.
- لو عايزة طلة كلاسيك، هنختار القمصان الطويلة مع البنطلونات الكلاسيكية، ممكن كمان نلبس جاكت طويل مع بلوزة قطن وجيبة تكون قماشتها مريحة زي القطن أو الصوف وتجنبي الأقمشة الناشفة زي الجينز والجبردين عشان تبقي مرتاحة طول الوقت. كمان ممكن تلبسي القفطان مع ليجن أو فستان حمل بقصة كلاسيكية وإكسسوارات مناسبة مهم نختار الملابس اللي مقاسنا بالظبط ونتجنب خالص الملابس العادية اللي بتشتريها الحامل بمقاسات كبيرة٬ لأن ده هيظهرك بشكل غير أنيق ومليان بزيادة ومش بيديكي الأناقة اللي إنتي محتاجاها.
- بالنسبة للأحذية فيفضل طبعا ما نلبسش الكعب لفترات طويلة لو كنا مضطرين٬ الكعب مش خطر لو انتي متعودة عليه بس لبسه لفترات طويلة هيسبب ألم في رجلك لأنها في الحمل بتورم، وممكن يزيد من مشكلة وجع الظهر خصوصا في الشهور الأخيرة.