ఆస్పత్రి బెడ్‌పైనే మోడీని ఆటోగ్రాఫ్ అడిగిన యువతి

పశ్చిమబెంగాల్‌లోని మిడ్నాపూర్‌లో ఏర్పాటు చేసిన కృషి వికాస్ సమావేశంలో అపశృతి చోటు చేసుకుంది. ఈ సమావేశంలో ప్రధాని నరేంద్ర మోడీ ప్రసంగిస్తుండగా ఓ టెంట్ కుప్పకూలిపోయింది. ఈ ప్రమాదంలో 22 మందికి గాయాలయ్యాయి. పలువురికి కాళ్లు, చేతులు విరిగిపోయాయి.
క్షతగాత్రులను హుటాహుటిన చికిత్స నిమిత్తం ఆస్పత్రికి తరలించారు. క్షతగాత్రులు చికిత్స పొందుతున్న ఆస్పత్రికి వెళ్లిన ప్రధాని మోడీ.. వారిని పరామర్శించారు. గాయపడ్డ వారికి మెరుగైన వైద్యం అందించాలని అధికారులను ఆదేశించారు.