Nisin hetimet për gjyqtarin Admir Thanza - News, Lajme - Vizion Plus

http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Prokuroria e Përgjithshme nisi hetimin për gjyqtarin e gjykatës së lartë Admir Thanza, i cili një ditë më parë u zbulua se kishte qenë i dënuar në Itali për vjedhje.



Skandalin e bërë publik në seancën e zhvilluar në Komisionin e Pavarur të Kualifikimit, Thanza e kishte fshehur duke mos e shënuar në formularin e vetëdeklarimit.



Hetimi ka nisur nga Seksioni i Dekriminalizimit në organin e akuzës.



Anëtari i Gjykatës së Lartë Admir Thanza kaloi dje në sitën e vetingut, ku rezultoi më një sërë problemesh.



Trupa e Komisionit të Pavarur të Kualifikimit lexoi raportin e ILDKP ku thuhet se Thanza ka kryer deklarim të rremë të pasurisë dhe nuk ka burime financiare të mjaftueshme për të justifikuar pasurinë e tij.



Gjithashtu gjyqtarit Thanza iu zbulua një dënim me burg dhe një gjobë në Itali për vjedhje.