Kolkata Knight Riders skipper Dinesh Karthik said they were under pressure in the Eliminator against Rajasthan Royals but eventually came up trumps to win by 25 runs and make Qualifier 2 of the Indian Premier League on Wednesday.
#ipl2018
#dineshkarthik
#kolkataknightriders
#rajasthanroyals

ఐపీఎల్ 11వ సీజన్ వేలానికి ముందు రెండు సార్లు ఐపీఎల్ టైటిల్‌ను అందించిన గౌతం గంభీర్‌ను కోల్‌కతా నైట్‌రైడర్స్‌ యాజమాన్యం వదులుకున్న సంగతి తెలిసిందే. ఆ తర్వాత కెప్టెన్‌గా ఎవరును నియమించాలనే దానిపై ఆ జట్టు యాజమాన్యం తీవ్ర తర్జన భర్జనలు పడింది.
కోల్‌కతా కెప్టెన్‌గా దినేశ్‌ కార్తీక్‌ను ఎంపిక​ చేయాలా? లేక రాబిన్‌ ఉతప్పకు పగ్గాలు అప‍్పచెప్పాలా? అనే అంశంపై లోతుగా విశ్లేషించింది. చివరకు కోల్‌కతా యాజమాన్యం దినేశ్ కార్తీక్‌వైపే మొగ్గుచూపింది. తనపై కేకేఆర్ యాజమాన్యం పెట్టుకున్న నమ్మకాన్ని దినేశ్‌ కార్తీక్‌ వమ్ము చేయలేదు.
ఈ సీజన్ ఆరంభం నుంచీ దినేశ్ కార్తీక్ జట్టుని ముందుండి నడిపిస్తున్నాడు. తన ప్రదర్శనతో కెప్టెన్‌గా జట్టులోని మిగతా ఆటగాళ్లకు ఆదర్శంగా నిలిచాడు. దీంతో పాటు ఈ సీజన్‌లో కోల్‌కతా నైట్‌రైడర్స్ తరుపున అత్యధిక పరుగులు చేసిన ఆటగాడిగా దినేశ్ కార్తీక్‌ నిలిచాడు.
ఈ సీజన్‌లో దినేశ్‌ కార్తీక్‌ ఇప్పటివరకు 490 పరుగులు చేశాడు. ప్రస్తుత సీజన్‌లో కోల్‌కతా నైట్‌రైడర్స్ తరుపున ఓ ఆటగాడు చేసిన ఆత్యధిక పరుగులు ఇవే కావడం విశేషం. గత సీజన్ల పరంగా చూస్తే కోల్‌కతా నైట్‌రైడర్స్ తరుపున అత్యధిక పరుగులు చేసిన ఆటగాళ్ల జాబితాలో రాబిన్‌ ఉతప్ప(660-2014 సీజన్) ముందు వరుసలో ఉన్నాడు.