Fluks pasagjerësh në portin e Durrësit - News, Lajme - Vizion Plus

http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Festat kanë rritur fluksin e udhëtarëve që mbërrijnë nga Italia në portin e Durrësit. Afro 3 mijë pasagjerë kanë mbërritur mesditën e kësaj të diele me 4 tragete, nga porti i Barit dhe ai i Ankonës.



Udhëtaret thonë se ka pasur vonesa disaorëshe në portet italiane, për shkak të fluksit të madh të krijuar atje, ndërsa nga ana tjetër në portin e Durrësit procedurat zgjasin më pak në kohë.



Kalime të mëdha ka pasur edhe në pikën kufitare të Kapshticës.



Sipas të dhënave, janë 8300 qytetarë në hyrje-dalje, nga të cilët 5100 vetë kanë hyrë në territorin shqiptar.



Pak ditë më parë Drejtori i Policisë së qarkut Korçë ka zhvilluar një takim me homologun grek për të zgjidhur situatën e ngarkuar.



Nga pala greke punohet me 5 sportele, ndërsa pala shqiptare me 8 të tilla.



Fluks ka pasur edhe në pikën kufitare të Qafe Thanës dhe ne Kakavijë, por pa krijuar radhë të gjata.