The variety in Sunrisers Hyderabad's bowling attack will pose a few tricky questions for Mumbai Indians when the two teams square off in an Indian Premier League encounter here on Thursday (April 12). The two teams met with contrasting fortunes in their opening games. While Sunrisers hardly broke sweat during their emphatic nine-wicket victory over Rajasthan Royals, Mumbai Indians lost a humdinger to CSK in the tournament opener Sunrisers is believed to have the most diverse bowling attack in the competition. They have Bhuvneshwar Kumar with his superb skill sets of seam and swing, Billy Stanlake for raw pace and Siddarth Kaul to hit the deck.

ప్రపంచంలోనే అత్యంత ధనిక దేశీవాలీ లీగ్ అయిన ఐపీఎల్‌లో ఇప్పటి మూడు సార్లు లీగ్ ట్రోఫీ గెలుచుకున్న ముంబై.. హైదరాబాద్ జట్టును ఢీకొననుంది. కెప్టెన్ రోహిత్ శర్మ వ్యూహాలతో ఉప్పల్ స్టేడియం వేదికగా హైదరాబాద్‌తో సమరానికి సై అంటోంది.
ఈ ఐపీఎల్‌ను ముంబై ఓటమితో మొదలుపెట్టగా.. సన్‌రైజర్స్‌ విజయంతో బోణీకొట్టింది. ఇక ఇరుజట్లు రెండో మ్యాచ్‌కు సిద్ధమయ్యాయి. సొంతగడ్డపై వరుసగా రెండో విజయంతో జోరు కొనసాగించాలని సన్‌రైజర్స్‌ ఉవ్విళ్ళూరుతుండగా.. రెండో పోరులోనైనా బోణీ చేయాలని ముంబై పట్టుదలగా ఉంది. ఈనేపథ్యంలో గురువారం ఉప్పల్‌ స్టేడియంలో జరిగే పోరులో సన్‌రైజర్స్‌తో ముంబై అమీతుమీ తేల్చుకోనుంది.
వార్నర్‌ మాదిరే ధావన్‌ ఇన్నింగ్స్‌ కూడా పూర్తి సాధికారితతో సాగింది. మరోవైపు కేన్‌ విలియమ్సన్‌ స్ఫూర్తిదాయక నాయకత్వం అందరినీ ఆకట్టుకుంది. పెద్దగా హడావుడి లేకుండా విలియమ్సన్‌ మైదానంలో తన పని తాను చేసుకుపోయాడు. బౌలింగ్‌, బ్యాటింగ్‌ వనరుల్ని సమర్థంగా వినియోగించుకుని ఫలితాన్ని రాబట్టాడు. లక్ష్య ఛేదనలో ధావన్‌, విలియమ్సన్‌ పని పూర్తి చేయడంతో మనీష్‌ పాండే, దీపక్‌ హుడా, యూసుఫ్‌ పఠాన్‌, వృద్ధిమాన్‌ సాహా, షకిబ్‌ అల్‌ హసన్‌లకు బ్యాటింగ్‌ చేసే అవకాశమే రాలేదు.
సన్‌రైజర్స్‌ బౌలింగ్‌ కూర్పు మరోసారి అదిరింది. పదునైన పేసర్లు.. నాణ్యమైన స్పిన్నర్లతో ఐపీఎల్‌లోనే అత్యుత్తమ బౌలింగ్‌ సన్‌రైజర్స్‌ సొంతమిప్పుడు. బంతిని రెండు వైపులా స్వింగ్‌ చేయగల భువనేశ్వర్‌కుమార్‌.. గంటకు 150 కిమీ వేగంతో బంతులు సంధించగల స్టాన్‌లేక్‌.. స్ట్రైక్‌ బౌలర్‌ సిద్ధార్థ్‌ కౌల్‌లతో పేస్‌ విభాగం పటిష్టంగా ఉంది. వైవిధ్యమైన లెగ్‌ స్పిన్‌తో రషీద్‌ఖాన్‌ .. విస్తృతానుభవమున్న ఎడమచేతి వాటం స్పిన్నర్‌ షకిబ్‌ అల్‌ హసన్‌ తిరుగులేని ఆయుధాలుగా పనికొస్తున్నారు.
ఐపీఎల్‌లో గత సీజన్‌లను గమనిస్తే ముంబై ఇండియన్స్‌ ఆరంభం చెప్పుకోదగ్గ స్థాయిలో ఉండదు. మంచి బ్యాటింగ్‌ ఆర్డర్‌.. నాణ్యమైన బౌలింగ్‌ విభాగం కలిగి తొలి విజయం కోసం ఎదురు చూస్తోంది ముంబై జట్టు. నిరుడు ఉప్పల్‌ స్టేడియంలో ముచ్చటగా మూడోసారి ఐపీఎల్‌ ట్రోఫీని అందుకున్న ముంబై. ఐపీఎల్‌-11 జైత్రయాత్రను హైదరాబాద్‌ నుంచే ప్రారంభించాలని భావిస్తోంది.