روداد محبت کیا کہئے کچھ یاد رہی کچھ بهول گئے
دو دن کی مسرت کیا کہئے کچھ یاد رہی کچھ بهول گئے
جب جام دیا تھا ساقی نے، جب دور چلا تھا محفل میں
وہ ھوش کی ساعت کیا کہئے، کچھ یاد رہی کچھ بھول گئے
احساس کے مے خانے میں کہاں اب فکرونظر کی قندیلیں
آلام کی شدت کیا کہئے، کچھ یاد رہی کچھ بھول گئے
اب اپنی حقیقت بهی ساغر بے ربط کہانی لگتی ہے
دنیا کی حقیقت کیا کہئے کچھ یاد رہی کچھ بهول گئے
کچھ حال کے اندهے ساتهی تهے کچھ ماضی کے عیار سجن
احباب کی چاہت کیا کہئے کچھ یاد رہی کچھ بهول گئے
- ساغر صدیقی -