السادة المحترمون: الإخوان يهتفون ضد حاتم بجاتو .. "بتحارب الإسلام وبتقبض من الأمريكان"

عموما ، الغريب كمان فى التعديل الوزارى اللى بالفعل أشرف عليه مكتب الارشاد فى المقطم بالتنسيق مع الاتحادية ، هو اختيار المستشار حاتم بجاتو أحد أعضاء هيئة المفوضين بالمحكمة الدستورية كوزيرا للدولة لشئون المجالس النيابية اللى كان أحد أعضاء الأمانه العامة للجنة العليا التى أشرفت على انتخابات الرئاسة ، سيبكوا من القانون اللى أصدره مجلس الشعب قبل ان يتم حله من منع أعضاء اللجنة العليا للانتخابات الرئاسية وأعضاء الأمانة العامة من الترشح لأى مناصب تنفيذية لان المحكمة الدستورية حكمت بعدم دستورية هذا القانون ، الغريب بس أن بجاتو كان أحد أعداء الإخوان ايوه لدرجة أنهم وقت انتخابات الرئاسة كانوا بيهتفوا ضده فى ميدان التحرير - نشوف
دا أكيد بجاتو تانى خلاف بجاتو اللى تم اختياره فى زمن الإخوان وزيرا للشئون المجالس النيابية والتشريعية ، بجاتو وأعضاء المحكمة الدستورية وقت انتخابات الرئاسية وبعدها كان من الأعداء ، اللى عاوزه افهمة بس وده والله مجرد تساؤل هل فعلا حصلت صفقة ليتم من خلالها اختيار بجاتو ، هل بجاتو نفسه نسى محاصرة الإخوان للمحكمة الدستورية العليا وهتافاتهم ضد القضاة ، هل اختيار بجاتو وسيلة لإقالته فيما بعد لعدم القدرة على عزله من هيئة المفوضين فى المحكمة الدستورية العليا.
تابعونا على صفحتنا http://www.facebook.com/alSadahalMo7taramon