يوسف الحسيني: وزير التموين يحتفل بزيادة عدد المتابعين لصفحته على فيس بوك .. ده آخره

وزير التموين الإخوانى باسم عودة الذى دائما ما يحتفل بزيادة عدد المتابعين لصفحتة الرسمية على الفيس بوك ، مرة يحتفل أنها وصلت ل80 ألف ومرة تانية انها وصلت ل113 ألف متابع ، دا تمامه ، انما شغل وعمل حقيقى مفيش ، العمل الحقيقى فعلا اللى شغال عليه بجد هو الأخونة داخل الوزارة ، يعنى زما قلنا قبل كدة انه عمل شراكة بين الوزارة والإخوانى حسن مالك أو انه عين قيادات فى الجماعة على رأس المخابز الحكومية وبالتالى أصبح توزيع العيش على المصريين من مكاتب وفروع الجماعة وحزب الحرية والعدالة فى المحافظات ، باسم عودة مش ادر يستحمل مواطنين مصريين فقراء مستائين من سوء رغيف العيش فبدل ما يقولهم انه هيل المشكله قعد يزعق ويشخط فيهم زى ما يكون عبيد عن جنابه ، نشوف باسم عودة الإخوانى والناس بتشتكى من سوء رغيف العيش وكان رد فعله اية ؟

(فيديو باسم عودة)

باسم عودة مش قادر يسمع الناس ، متخيل انه هينزل يتصور مع الانبوبة ورغيف العيش ويرجع يرفع صورة على الفيس كالعادة، ما يعرفش ان الفقرا فى مصر مش عارفين يعيشوا ورغيف العيش سيىء لدرجة ان مصريين كتير فى الاقاليم والقرى ما بيكلهوش وبيقدموه للحيوانات والطيور ،وكمان الأخ باسم عودة نازل بالكاب والحراسة متخيل أنه نازل يروش ، دا العيش اللى الناس بتاكله ياعودة ، وبعدين من اداك الحق تزعق فى الناس وتشخط فيهم ، انت خدام عند الشعب وعند الناس دى ، لو مش عاجبك وعاجز على تخفيف معاناة الناس استقيل.