السادة المحترمون: مؤهلات الحداد لتولى الشئون الخارجية .. أنه كان ماسك الجوالة والرحلات في الجامعة

فأول حاجة عملها بعد ما بقى رئيس أنه اختار عصام أحمد الحداد مساعدا له للشؤون الخارجيه ، واللى ما يعرفش عصام الحداد ، ده أحد قيادات جماعة الإخوان المسلمين وكان مسؤول العلاقات الخارجية فى الجماعة ثم الحزب ، وكان حلقه الوصل بين الجماعة وأعضاء التنظيم الدولى فى الخارج.
الحداد دكتور التحاليل زى البرنس كدة اللى اتعين نائب لمحافظ الاسكندرية، لما اتسأل ليه تم اختياره لمنصب مساعد الرئيس كان رده غريب جدا
(فيديو الحداد على الحياة 1 )

الله الله ، مؤهلات عصام الحداد دكتور التحاليل عضو التنظيم الدولى للإخوان لانه يتولى منصب مساعد رئيس الجمهورية للشئون الخارجية أنه كان دائم السفر والترحال، وأنه لما كان فى كلية الطب جامعة الاسكندرية كان ماسك الجوالة والرحلات، وعنده اطلاع على الثقافات والحضارات، لأ وكمان شايف انهم حققوا حالات نجاح، اى نجاحات اللى بتكلموا عليها !؟