من جديد: هل هناك أزمة في لقمة العيش في مصر ؟
- 11 years ago
من جديد أهلاً وسهلاً بحضراتكو.. وموضوعنا إلنهارده هنخرج بيه من السياسة مؤقتاً وهنتكلم فى أزمة تانية أهم بكتييييير من كل المشاكل السياسية.. أزمة لقمة العيش.. بعض التقارير الإخبارية عن الاقتصاد المصري بتقول إن مصر ربما تشهد أزمة فى استيراد القمح من الخارج خلال شهر الصيف.. والقمح المحلي مهدد مهدد بسبب أزمة السولار.. ده على مستوى القمح لوحدة عشان أزمة رغيف العيش.. يعنى عندنا موجة غلاء واسعة ومرشحة للزيادة بسبب أزمة الوقود وتأثيرها على أسعار نقل السلع.. ده غير مشكلة البناء على الأراضي الزراعية اللى وصلت لمرحلة خطيرة جداً.. مفيش دولة حتي بتلوم مش بتحاسب اللى بيبنى على الأرض الزراعية.. وعندنا تقارير عن أزمة متوقعة فى سد الفجوة الغذائية خلال أشهر الصيف.. السؤال دلوقتي : هل احنا مش هنلاقي ناكل الايام الجاية .. هل مصر مقبلة علي أزمة عذائية حقيقية؟ تأثيرها طبعاً هيكون على الكل نظام ومعارضة .. تساؤلات كتير مطروحة على ضيوفنا إنهارده الدكتور رضا عجاج مستشار وزير التموين والتجارة الداخلية للسلع الاستراتيجية.. والأستاذ مصباح قطب الخبير الاقتصادي والمستشار الاقتصادي بجريدة المصري اليوم.. اهلا بيكم..