إستعدادات ومطالب القوى الثورية لمظاهرات 25 يناير
- 11 years ago
من جديد أهلا بحضراتكوا خلاص اقتربنا للذكري التانية لثورة 25 يناير .. كلها أيام ويكون مر سنتين على الثورة.. هل دى مصر اللى كنا بنحلم بيها وقت الثورة؟ طب هل فى أمل نكون أفضل من الأول؟ طيب هل الشباب اللى خرجوا من سنتين كده كانوا يتوقعوا أن النتيجة هتكون الظروف اللى إحنا فيها دى وإن التغيير هيوصل بينا للحال ده .. سوء الأحوال الاقتصادية وغياب الأمن والانقسام الحاد اللى حصل للمجتمع بين تيار الإسلام سياسي والتيار المدني الليبرالي، خلي كتير يقول "مش دي نتائج الثورة اللى خرجنا عشانها من سنتين" ودعوا للنزول تانى فى الذكري الثانية للثورة ، هنعرف النزول التاني ده لضبط خط السير، أم لوضع خط سير جديد.. الناس بتسأل هو هيحصل إيه يوم 25 يناير.. الشارع وصله إنها هتكون أعمال عنف والحركات الشبابية و6 أبريل وجبهة الإنقاذ نازلين يولعوا البلد؟ وكل مانسأل حد منهم يقولنا دى مظاهرات سلمية زى اللى خرجت قبل كده "أنا أعرف أن الحركات دى مالهاش فى العنف ولا دعت لعنف قبل كده".. بس هي إيه المطالب اللي نازلين عشانها وإيه سيناريو يوم 25 يناير ؟ ده اللى هنحاول نفهمه من ضيوفنا انهارده .. محمود عفيفي المتحدث الرسمي باسم حركة شباب 6 أبريل .. وعصام الشريف منسق حركة شباب الجبهة الحرة للتغيير السلمي .