من جديد: أنباء عن بعض الإستقالات بحزب النور
- 11 years ago
النتيجة المباشرة برضوة للدستور هي عقد الانتخابات خلال شهرين، وهو اللي بيحتم عمل قانون للانتخابات اللي بموجبه حتجرى الانتخابات، هل المعارضة استفادت من درس الانتخابات اللي فاتت وحتتوحد تحت لواء جبهة الانقاذ الوطني واول علامات التوحد هو تقديم اقتراحات موحدة بخصوص قانون الانتخابات، والنهاردة أكد عبد الغفار شكر، عضو جبهة الإنقاذ الوطنى، أن الجبهة حترسل وفدا مكون من ستة أشخاص متخصصين فى الجانب القانونى والسياسى، ومنتمين للأحزاب المنضمة لها، لمناقشة مشروع القانون الذى قام بصياغته وتقديمه مسبقا للرئاسة، طبعا الموضوع ده وشكل التحالفت الانتخابية اللي جاية حيكون موضوعنا في فقرتنا اللي جاية مع اللدكتور عمرو الشوبكي، خصوصا مع حالة التجمع اللي في المعارضة وممكن تتم وممكن تفشل وحالة الانقسامات اللي بتحصل في الأحزاب الإسلامية زي حزب النور اللي اعلنت مواقع كتيرة على شبكة الانترنت استقالة الدكتور عماد عبد الغفور من رئاسة الحزب ... وفي كلام بيتقال ان الدكتور عماد عبد الغفور سيدخل في تحالف مع الشيخ حازم صلاح ابو اسماعيل لتشكيل حزب جديد .. حقيقة ده حنعرفه من محمود العامري الصحفي بالمصري اليوم.