بلدنا بالمصري- الكتاتني: التأسيسية لن تقصي أحداً
- 12 years ago
من ضمن الحاجات اللي احنا عرفينها والحمد لله، ان مجلس الشعب ومجلس الشورى هيجتمعوا وعلينا خير انشاءالله في أول اجتماع مشترك ليهم يوم 3 مارس اللي جاي وهيبدأوا في اجراءات انتخاب اعضاء الجمعية التأسيسية اللي هتضع الدستور.. لكن اللي احنا مش عارفينه لحد دلوقتي هي المعايير والآلية اللي هيتم بيها الانتخاب.. لكن اللي احنا عارفينه هو ان الدكتور سعد الكتاتني رئيس مجلس الشعب، أكد النهاردة أثناء زيارته لرئيس مجلس الشورى، الدكتور أحمد فهمي ، "أنه مش هيتم إقصاء أي من القوى السياسية، الممثلة في البرلمان من عضوية الجمعية التأسيسية.. وان الجمعية هتضم كل أطياف المجتمع، وانها مش هتكون مرتبطة بالأغلبية البرلمانية.. دة كلام جميل وكلام معقول ويفضل بس انه يترجم لحقيقة ملموسة وقال يا خبر بفلوس كلها كام يوم ويبقى بلاش..