بلدنا بالمصري: اللي بيتحاكموا أهالي الشهداء
- 12 years ago
ولإن الرئيس المخلوع بيتحاكم.. ولإن فيه ناس لسة مش معترفة إنه مخلوع وإنه متهم وإنه لازم يتحاكم.. فالناس دول اللي بيسموا نفسهم "أبناء مبارك وفخورين" مافيش جلسة من جلسات محاكمته إلا وياخدوا بعضهم بربطة المعلم ويروحوا يناكفوا في أهالي الشهدا وفين يوجعك.. لكن الغريبة إن اللي بيتحاكموا دلوقتي قدام محكمة جنح القاهرة الجديدة، بتهمة الشغب معظمهم إن ماكانش كلهم من طرف أهالي الشهدا والمتعاطفين معاهم.