بلدنا بالمصري: إضراب المعلمين بياخد حده يوم عن يوم
- 12 years ago
نظرياً، المدارس دخلت امبارح والمفروض إن السنة الدراسية بدأت.. لكن عملياُ الدراسة لسة ما بدأتش ومش باين هتبدأ امتى وازاي، خاصة وإن إضراب المعلمين بياخد حده يوم عن يوم، ووصل تقريباً لنسبة 50% في معظم المحافظات.. وفيه أخبار بتتكلم عن 100% نسبة الإضراب في أسوان وبني سويف والمنيا وسوهاج.. وبالتأكيد الأمر ما يسلمش من مناوشات ويمكن مشادات كمان بين الأهالي وبين المعلمين.. لكن كل دة برة وبعيد عن المدارس اللي زارها وزير التربية والتعليم بمناسبة بداية السنة الدراسية الجديدة "نظرياً".