بلدنا بالمصري: خريطة طريق لإدارة المرحلة الانتقالية
- 12 years ago
كلها كام يوم ويعدي على نجاح الثورة يا دوب في إسقاط رأس النظام، خمس شهور بالتمام والكمال، ولسة لحد النهاردة مش قادرين نشوف قدامنا وحتى لو شايفين فشايفين طشاش.. إيه اللي مخلينا شيش بيش كدة.. دة سؤال لازم نجاوب عليه قبل ما نجاوب على سؤال إيه العمل حيث إنه وجب بقة إننا نلاقي صرفة نخطي بيها لقدام، لكن على نضافة وعلى بينة من أمرنا مش هليهلي كدة وبالبركة!!! حزب مصر الحرية أصدر بيان النهاردة بالمعنى دة، دعا فيه لمليونية "آمنة" يوم الجمعة 8 يوليو، يكون مطلبها الرئيسي "الشعب يريد خريطة طريق" وعلى نضافة.. إزاي بقة دة اللي هنستعين عليه بـ د. عمرو حمزاوي أستاذ العلوم السياسية بجامعة القاهرة