من جديد: محاولة لفهم ألغاز تأسيسية الدستور
- 12 years ago
من جديد اهلا بحضرتكوا .. ايام وننتهي من انتخاب الرئيس .. لكن يا عالم امتا هننتهي من كتابة الدستور اللي مفروض انه هيحدد سلطات وصلاحيات الرئيس .. الله اعلم .. امبارح لو حاضرتكوا تابعتو الدكتور محمد البرادعى، قال أن معركتنا هى الدستور مش الرئيس، وشدد على اهمية التوافق على لجنة تأسيسية لوضع دستور ديمقراطى يضمن الحقوق والحريات زي ما جه فى دستور 1954... والنقطة دي تحديدا هتكون محور حوارنا مع حضرتكوا .. الغاز كتير في تأسيسية الدستور هنحاول نفهمها مع ضيوفنا الكرام .. وهنحاول كمان نشوف هل نصوص الحقوق والحريات في دستور 54 افضل منها في دستور 71، .. علشان نستعين بها في كتابة الدستور.برحب بضيفي الفقيه الدستوري دكتور جابر نصاراستاذ القانون الدستوري جامعه القاهرة ..