Youtube Music https://www.youtube.com/@saramarouf/releases https://youtu.be/THI9l6gY8Js?si=IY4soeqAm5roucTc
Lyrics | الكلمات
قلت عليك إن أنت ناسيني ولا بتدافع ولا تحميني ولا بيهمك ايه يفرحنى ولا بيهمك إيه يبكيني لقيتك راسم صورة لخطة ماهيش محصورة في ضعفي وجهلي وفكرى البشري وقدراتي المحدودة ولقيتك أب في وقت الحاجة تجرى تمد الايد ونبص بنظرتنا المحدودة وأنت تشوف البعيد قلت الناس مساكين وغلابة وانت بعيد والدنيا دي غابة والإيمان والصورة الحلوة لرعايتك شعارات كدابة لقيت قلبك مليان إحساس وبتتألم لآلام الناس وعايش فى همومنا ومشاكلنا وفي قلب الأحداث ولقيتك لما الجوع بيشد تبعت خبزي مع الطير أتذمر وأنت تكون بتعد وترتب لي الخير قلت عليك ما بتسمعنيش انده ياما عليك ما تجيش قلت إن أنت خلقت الناس وسايبنا نعيش زي ما بنعيش لقيت في الشك غباء وسذاجة ساعات أحلامنا تكون محتاجة الشكر مع الإيمان والصبر ودموع الصلاة بلجاجة ولقيت الصلاة والصبر معاك مجهود مش بيضيع واللي يجيلك عشمان يلقاك رب بصير وسميع قلت إن انت بعيد فى سماك وعيني ماهياش شايفاك وأعمل إيه علشان اوصلك وأعمل إيه علشان ألقاك لقيتك جيت في صورة إنسان وعشت ف نفس ظروفي كمان واتقال عنك رجل الأوجاع ومختبر الأحزان سامحنى بدم صليبك آسف أسأت الفهم في يوم وفي ثورة غضبي وقلبي الخايف وجهت لك لوم
