وفات العمر زي الريح لقتني كبرت على سهوة كلمات الراحل فيلسوف الغلابة صلاح جاهين رحمه الله

وفات العمر زي الريح لقتني كبرت على سهوة كلمات الراحل فيلسوف الغلابة صلاح جاهين رحمه الله

وفات العمر زي الريح
لقيتني كبرت على سهوة
لقيتني عشقت شرب الشاي
بقيت مدمن كمان قهوة
لقيتني بقيت بحب الصيف
واخاف من النسمة لاستهوى
لقيت الشيب صبغ شعري
لقيت كتفي بقى يطقطق
وبشكي من وجع ضهري
بقيت ساكت ومش بنطق
ومني خلاص نفد صبري
وخلقي ضاق بقيت بطهق
عرفت اني كبرت خلاص
لما مفضليش ولا حد
بقيت نكدي اوي وحساس
على وشي يبان الجد
لقيتني كمان زهدت الناس
مبقتش احب اعاتب حد
كبرت بقيت شبه جدي
بقيت ما اضحكش ع النكتة
بقيت بفضل كتير وحدي
وايامي بقت باهتة
وولى العمر والدنيا
حواليا بقت ساكتة
انا عمري مهوش ستين
ولا خمسين و لا عشرة
والعمر مبحسبوش بسنين
انا بحسبها بالخبرة
بكام جرح وكام فرحة
وكام واحد خان العشرة

دمتم في عناية الله وحفظه