حكاية أول فيلم عالمي في تاريخ السينما

٣- حكاية أول فيلم في تاريخ السينما ـ العمال يغادرون المصنع - الاخوان لوميير
يوم 28 ديسمبر 1895 ف الصالون الهندى ف الجراند كافية ف شارع كابوسن ف باريس الساعة 9 مساءا ..كان بيتعرض اول فيلم تجارى ف العالم ف العالم للاخوين لومييه بعد اختراعهم العبقرى للسينماتوجراف .. وكان اول ظهور ليهم كمخرجين ف فيلم (العمال الذين يغادرون المصنع ) فكرتة ان عمال طالعين من مصنع لوميير لمنتجات التصوير ف ليون و كان مدتة تقريبا 45 ثانية ..الفيلم عمل ضجة كبيرة
كانت تذكرة الدخول بفرانك واحد و اتعرض ف الجلسة عشر افلام .. اطول مدة فيلم فيهم كان 48 ثانية واقصرهم 38 ثانية و كان اول فيلم يتعرض هو العمال يغادرون مصنع لومييه
-------------------------------------------------------------------------------------
فلاش باك
----------------
قبل نص النهار بدقايق يوم 19 مارس 1895 الطقس جميل بعد ايام من الامطار الغزيرة .. ف مقهى الام دوما ف شارع سان فيكتور ف ليون .. الاخوان لومييه معاهم جهاز شبه مكنة الخياطة مثبتينه ورا قواطع خشب مستخبيين ... و كان معاهم مصور سينمائى اسمه الكسندر بروميو كان شغال مندوب ف شركة شمبانيا و فيه معلومات بتقول انه كان جايب معاه ازازة شمبانيا عشان يحتفل بالمناسبة .. كان اهم حاجة ف اليوم دة انهم يصوروا العمال اللى خارجين من المصنع من غير ما ياخدوا بالهم عشان المشهد يبان واقعى ... حالة من الترقب و هوب الساعة جت 12 .. و بدأت عملية التصوير اليدوى .. بوابة المصنع بتتفتح .. الستات بيخرجوا لابسين ملابس طويله و على راسهم قبعات الوانها ربيعيه فاتحة .. و رجاله لابسين قبعات و كلب بيتنطط وسطيهم و عربيه بتجرها خيول الى ان بتتقفل البوابة ... وبقه فيه اول فيلم اسمه العمال يغادرون مصنع لوميير .. ورغم ان اللى اتصور كان 45 ثانية لكنه كان انجاز عظيم ..
يوم العرض الراجل اللى كان بيشغل الجهاز اللى بيعرض الافلام صرخ قدم المشاهدين و قال (هؤلاء يمارسون السحر )
صحيفة (لابوست ) كتبت عن التجربة و قالت ان كل شئ يتحرك , انها الحياه نفسها .. تم اقتناص الحركة وهى نابضه بالحياة
مدير المسرح الفرنسي قال انه الواقع كما هو
واحنا بنقول شكرا عيلة لومييرعلى انكوا كنتوا السبب ف اننا عرفنا نوثق ذكرياتنا و ابداعاتنا