#صباح_الورد .. قبل الفاصل شفنا مع حضراتكم درجات الحرارة في مصر.. وطبعا الحمد لله على أي حال لإن الخبر اللي معانا دة خبر غريب شوية متعلق بالطقس وتغيرات المناخ... هنروح معاكم لإيطاليا واللي كانت بتعاني خلال الفترة اللي فاتت دي من ارتفاع كبير في درجات الحرارة وصلت لـ45 درجة مئوية لكن امبارح وبشكل مفاجئ نزلت عليهم عاصفة مفاجئة عبارة عن كرات تلج كبيرة كسرت الممتلكات والإزاز ومش بس كدة دي أصابت كمان أكتر من 110 شخص بإصابات مختلفة...
التقارير الصحفية في إيطاليا بتقول إن كرات التلج دي كانت بحجم كرة التنس وإنها نزلت بغزارة في منطقة بشمال إيطاليا، وقالت الحماية المدنية الإقليمية في فينيتو إن خدمات الطوارئ استجابت لأكثر من 500 مكالمة للمساعدة بسبب أضرار الممتلكات والإصابات الشخصية، ونزل عدد كبير من العمال بإزالة الزجاج من النوافذ المكسورة وقطع الأشجار والنباتات اللي اتضررت بشدة بسبب العاصفة.
هل دي أول مرة تحصل عواصف بالشكل دة.. وازاي التغير المفاجئ في الطقس دة حصل وهل له علاقة بالتغير المناخي ولا لأ.. دة اللي هنعرفه من ضيفنا على الهاتف د محمد فهيم رئيس مركز معلومات تغير المناخ بوزارة الزراعة...

اشترك في القناة الرسمية #TeNTV ليصلك كل جديد http://bit.ly/TeNTV
تابعوا قناة Ten TV على مواقع التواصل الاجتماعي:
Twitter: https://goo.gl/w6aF3o
Facebook : https://goo.gl/HwSu9L
Youtube: https://goo.gl/XCWepB
Instagram: https://goo.gl/hN7c7N