Historical increase in flour prices in Karachi #2023 #news #live #pakistan #breakingnews #latestnews


کراچی میں تاریخ میں پہلی بار چکی کا آٹا 150، فائن 140 اور گندم 125 روپے فی کلو کی سطح پر جاپہنچی ہے جبکہ سرکار کی رٹ کہیں نظر نہیں آرہی۔

چیئرمین کراچی ہول سیل گروسرز ایسوسی ایشن عبدالرؤف ابراہیم کا کہنا ہے کہ نئے سال کے صرف 4 دن میں گندم اور آٹے کی قیمت میں 20 روپے فی کلو کا ہوشربا اضافہ ہوچکا ہے۔

ٹریڈرز کا کہنا ہے کہ فلارملز مالکان بیشتر آٹا افغانی ڈیلرز کو بیچ رہے ہیں جو انہیں آٹے کے منہ مانگے دام دیتے ہیں۔ چکی آٹا ڈیلر کے مطابق بلند ترین قیمت نے آٹے کی سیل پر بھی اثر ڈالا ہے۔۔خریدار معمول سے کم آٹا خرید رہے ہیں۔

فلارملز مالکان کا کہنا ہے کہ ضرورت سے کم گندم کے اسٹاک، سیلاب اور بروقت حکومتی اقدامات نہ لینے سمیت نئی فصل آنے میں دو ماہ باقی ہونے کے باعث آٹا کا بحران شدید ہورہا ہے۔