Lagu Aceh - Aneuk Yatim - Imum Jhon - Terbaru

~ ANEUËK YATIM ~
Cipta & Vocal : Imum Jhon

Leupah that seudeh aneuëk tan ayah.
Leupah that sosah aneuëk tan poma.
Yatim piatu amanah Allah.
Beugoet ta papah bek jeut keu dosa.
Yatim piatu amanah Allah.
Beugoet ta papah bek jeut ke dosa.

Di aneuëk yatim hana lé ayah.
Meutui meutuah hana lé poma.
Di aneuëk yatim Neusayang lé Rasulullah.
Geunantoë ayah yatim lam dônya.
Di aneuëk yatim Neusayang lé Rasulullah.
Geunantoë ayah yatim lam dônya.

Nyang peutimang yatim hai mukminin Nabi Neupeugah.
Sajan Rasulullah ureuëng nyan didalam syuruga.
Neu ibarat ngön Nabi jaroë Teungöh Ngön teulunjok.
Neubri martabat rayeok sajan Rasul dalam syuruga.
Ta tulông aneuëk yatim beuyakin Allah tulông gata.
Ta bantu aneuëk yatim Neujamin syuruga.

Aneuëk yatim tanyoë santuni.
E ayah umi nyan buët mulia.
Nabi Neupeugah ubat kreuh haté.
Ta gusuek ulèe yatim lé gata.
Nabi Neupeugah nak lembut haté.
Ta gusuek ulèe yatim lé gata.

Allah han Neuseksa hamba-hamba uroë kiamat.
Yang pubuët dalam dônya geusayang yatim dan geujaga.
Yang pajôh harta yatim han hoe plueng uroë kiamat.
Pengadilan Hadharat peudeh that azeub lam nuraka.

Ta bantu aneuëk yatim beuyakin Allah tulông gata.
Ta tulông aneuëk yatim Neujamin syurga.
Ta tulông aneuëk yatim beuyakin Allah tulông gata.
Ta bantu aneuëk yatim Neujamin syurga.

Pucôk kruëng Aceh lam glé Seulawah.
Pucôk kruëng Sarah meuputa-puta.
Ië mata Jile haté lam sôsah aneuëk tan ayah aneuëk tan poma.
Ië mata jile Hana Pat peugah aneuëk tan ayah aneuëk Tan poma.