VIDEO : યુવકે મોતની રાહ જોઈ અને ટ્રક નીચે કુદી પડ્યો
રાજકોટ શહેરમાં વધતા જતા આપઘાતના બનાવો વચ્ચે વધુ એક આપઘાતની ઘટના સામે આવી છે. દિલધડક ઘટનાના સીસીટીવી વાયરલ થતા ચકચાર મછી જવા પામી છે. માત્ર 5 જ સેકન્ડમાં પોતાની ઝીંદગીનો ખેલ ખેલનાર યુવક મોતને ભેટ્યાં બાદ બી-ડિવિઝન પોલીસે આપઘાતનું કારણ જાણવા અને મૃતકના પરિવારની શોધખોળ હાથ ધરી છે. પ્રાપ્ત વિગતો મુજબ ગ્રીનલેન્ડ ચોકડી નજીક એક અજાણ્યા યુવાને હેવી ટ્રક નીચે પડતું મૂકી આપઘાત કરી લેતા બી-ડિવિઝન પોલીસનો સ્ટાફ દોડી ગયો હતો. તપાસ કરતા મૃતકનું નામ નીલમ હોવાનું અને પરપ્રાંતિય હોવાનું જાણવા મળ્યું છે. પોલીસે સીસીટીવી ચેક કરતા આ યુવક સામેથી આવતા ટ્રકની રાહ જોઈ ઉભો રહ્યો હતો અને માત્ર 5 જ સેકન્ડમાં ટ્રક થોડો આગળ પસાર થતા જ પાછળના ઝોટામાં પડતું મૂકી આપઘાત કરી લીધો હોવાનું જોવા મળતા પોલીસે તપાસ હાથ ધરી છે. અરેરાટી વ્યાપી જાય તેવો 5 સેકન્ડનો જિંદગી અને મોત વચ્ચેનો આ દિલધડક વિડીયો વાયરલ થયો છે.
Category
🗞
News