شذى تنتقد نجمة لاستغلال مشاعر الجمهور

نشرت المطربة شذى عبر حسابها بمواقع التواصل الاجتماعي فيسبوك منشورا انتقدت فيه أن إحدى الفنانات قامت باستغلال تعاطف الجمهور معها.

وكتبت شذى : "فكرة استغلال المشاعر دي فكرة سخيفة جدا، مسرحية سخيفة وأقل ما تتوصف بيه إنها مؤرفة حرفيا، أخلي الناس كلها تقلق بهاشتاج أنقذوا منيرة المهدية، وأراهن إنها ممولة من منيرة بقى ولا من أي حد عايز يسوق إن مصر غابة، وفين منيرة المهدية والجو ده، اضغط على طرف طول الوقت وبستغل فيه، وادفعوا تاني فاتورة ملهوش دخل بيها، وأهو أكون علمت دعاية بلاش هوب".

وأضافت شذى : "أرجع حاجاتي على social media، هوب أعمل حفلة اتعملها دعاية من الهوا، والناس الغلابة العاطفيين هيروحوا بقى، وهتشوفوا كمية الناس اللي هتروح علشان يطمنوا على منيرة المهدية إنها بخير، ومتعذبتش في سجن أبو غريب، واللي هي عارفة إن حتى لما اتصرف عليها قبل كده فلوس بالملايين مكنش حد بيروح، أو إحقاقا للحق أعداد عادية، بس المرة دي الحبكة أظبط نستغل عواطف الناس ونسيبهم يهروا وياكلوا في نفسهم، وبعدين نطلع بقا بعد منبقى استخدمنا كل وسائل الضغط، والشعب الغلبان هيصدق لأن المصري بطبعه جدع وقلبه أبيض، بجد يع حاجة حقيقي تقلب البطن".