المشهد ده لولا انه حصل في الحقيقة كان ممكن يتشاف في فيلم خيالي ومكنش حد حيصدق ..

من الصفحات المفقودة في التاريخ العربي والمصري بالتحديد ... الفيديو ده ... دي الكويت ودي كانت مظاهرات ومسيرات للمطالبة بالوحدة مصر مصر .. انت متصور المشهد ده لو حصل في 2022 !
القصة كانت سنة 1963 بعد انقلاب النحلاوي في سوريا على الجمهورية العربية المتحدة سنة 61 وفي العام التالي حصل انقلاب على الانقلاب الانفصالي وبقى في حكومة في سورية عايزة ترجع الوحدة مع مصر من تأني لكن مصر تأنت في الفكرة الأولى للوقوف على اسباب الانهيار وتلافيها في المستقبل ... المهم وباختصار سنة 1963 رجعت المطالبات السورية من تاني للدخول في الجمهورية العربية المتحدة ومعاها العراق وتبقى وحدة ثلاثية وبالفعل العراق غيرو علمهم وخلوه زي علم الجمهورية العربية المتحدة (علم مصر بالوانه التلاته ) وزودوا نجمه زيادة وبقى تلات نجوم اشارة للدول الثلاثه في الاتحاد مصر وسوريا والعراق .. وكمان اخدوا النشيد الوطني وخلوه النشيد الوطني للعراق ( والله زمان يا سلاحي ) وبدأت بالفعل المحادثات الجديده لاعلان دولة الوحدة من جديد وفي الوقت ده حصلت مطالبات ومظاهرات في الكويت للانضام لجمهورية العربية المتحده تخيل مدى التأثير المصري في الستينات لدرجة ان دوله نظامها كان اميري وتطلع فيها مظاهرات للانضمام لدولة جمهورية .. والظريف ان بالفعل البرلمان الكويتي ناقش الموضوع ولكن وافق عليه 1 عضو فقط من اصل 5 نائب ..
اما عن سوريا والعراق فتعثرت المفاوضات ووصلت الى طريق مسدود ولم يتم استكمال الطريق للوصول الى الوحدة