Listen Peaceful Mantra "Lord Ram Suprabhatam With Lyrics" श्रीरामसुप्रभातम् | Lord Rama Stotram | Devotional Songs

Lyrics :
श्रीराम कोसलसुताजठरामृताब्धि-
पीयूषभा दशरथाङ्कविभूषणग्रथ ।
साकेतवासिजननेत्रसुधाञ्जनश्रीः ।
स्वामिन्कृपाजलनिधे तव सुप्रभातम् ॥ १॥

श्रीराम कौशिकमखावन सुन्दपत्नी -
प्राणाशुगाहिवर बालमनुष्यरूप ।
मारीचमत्तगजसिंह सुबाहुशैल-
वज्राभसायकवतस्तव सुप्रभातम् ॥ २॥

श्रीराम शङ्करशरासवरेक्षुदण्ड-
मत्तेभ मैथिलसुताननपद्मभृङ्ग ।
श्रीजामदग्न्यमदनाममहान्धकार-
सूर्याभ वीर्यजलधे तव सुप्रभातम् ॥ ३॥

श्रीराम तातवचसोज्झितयौवराज्य
श्रीमत्सुमन्त्रपरिदर्शितदिव्यरूप ।
आलिङ्गनेन दृढितातिनिषादसख्य
श्रीचित्रकूटगृहिणस्तव सुप्रभातम् ॥ ४॥

श्रीराम दण्डकवनागमनानसूया-
दत्ताङ्गरागलसितावनिजासहाय ।
हत्वा विराधमनुदृष्टमुनीन्द्रसङ्घ
सम्पूज्यमानगृहिणस्तव सुप्रभातम् ॥ ५॥

इति श्रीरामसुप्रभातं सम्पूर्णम् ।