विजयावर आम आदमी पक्षाचे अध्यक्ष आणि दिल्लीचे मुख्यमंत्री अरविंद केजरीवाल यांनी आपली प्रतिक्रिया दिली आहे. मलाला दहशतवादी सुद्धा म्हटलं गेलं. आज मात्र जनतेने दाखवून दिलं की केजरीवाल दहशतवादी नाहीये तर तुम्ही दहशतवादी आहात जे लोकांना लुटत आहेत, असा टोला केजरीवालांनी विरोधकांना लगावला. केजरीवाल म्हणाले की, आज संकल्प करूया की आपण असा भारत बनवूया सर्वांना शिक्षण चांगलं मिळेल, गरिबी श्रीमंतीची दरी दूर होईल.‘असा भारत बनवायचाय, जिथे एकालाही शिक्षणासाठी युक्रेनला जावं लागणार नाही’ असंही ते यावेळी म्हणाले.