സ്ലാവിയ മിഡ്-സൈസ് സെഡാൻ ഒടുവിൽ ഇന്ത്യയിൽ അവതരിപ്പിച്ച് സ്‌കോഡ. ബ്രാൻഡ് സെഡാന്റെ 1.0 ലിറ്റർ TSI പെട്രോൾ വേരിയന്റുകളുടെ വിലയാണ് പ്രഖ്യാപിച്ചിരിക്കുന്നത്, അതേസമയം കൂടുതൽ ശക്തമായ 1.5 ലിറ്റർ TSI പെട്രോൾ മോഡൽ 2022 മാർച്ച് 3 -ന് വിൽപ്പനയ്‌ക്കെത്തും.

സെഡാൻ മോഡൽ ലൈനപ്പ് ആക്റ്റീവ്, അംബിഷൻ, സ്റ്റൈൽ എന്നീ മൂന്ന് വകഭേദങ്ങളിൽ വ്യാപിച്ചിരിക്കുന്നു. വാഹനത്തിന്റെ 1.0 ലിറ്റർ പെട്രോൾ വേരിയന്റുകൾ 10.69 ലക്ഷം മുതൽ 15.39 ലക്ഷം രൂപ വരെ എക്സ്-ഷോറൂം വില പരിധിക്കുള്ളിൽ ചെക്ക് വാഹന നിർമ്മാതാക്കൾ ലഭ്യമാക്കിയിട്ടുണ്ട്.