राज्याला मोठा दिलासा! राज्यात दिवसभरात कोरोनाचे 33,470 नवे रुग्ण

राज्यात दिवसभरात कोरोनाचे 33,470 नवे रुग्ण आढळले. तर 8 रुग्णांचा कोरोनामुळे मृत्यू झाला. दिवसभरात सर्वाधिक 29,671 कोरोना बाधित रुग्ण बरे झाले. तसेच राज्यात 2,06,046 रुग्णांवर उपचार सुरू आहेत. राज्यात आज ऑमायक्रॉनचे 31 नवे रुग्ण आढळले त्यामुळे एकूण ऑमायक्रॉन रुग्णांची संख्या 1,247 वर पोहचली आहे. मुंबईत गेल्या 24 तासात 13 हजार 648 नवे कोरोना पॉझिटिव्ह रुग्ण आढळले तर पाच जणांचा मृत्यू झाला. मुंबईत सध्या 1 लाख 17 हजार 437 रुग्णांवर उपचार सुरु आहेत. गेल्या 24 तासांत रुग्णसंख्येत कमालीची घट झालीये. एकट्या मुंबईत रविवारी 19,474 कोरोना बाधित रुग्ण समोर आले होते. रुग्णसंख्येत कमालीची घट झाल्याने नागरिकांना दिलासा मिळालाय.