अभिमानास्पद! मिस इंडिया रनरअप मान्या वडिलांच्या रिक्षातून पोहोचली इव्हेंटला

फेमिना मिस इंडिया २०२०चा ग्रॅंड फिनाले १० फेब्रुवारी रोजी मुंबईत पार पडला. देशातील सगळ्यात मोठ्या आणि बहुचर्चीत असलेल्या मिस इंडिया ब्युटी कॉन्टेस्ट २०२०ची विजेता मानसा वाराणसी ठरली आहे. तर हरियाणाची मणिका शोकंद मिस ग्रॅंड इंडिया २०२० ठरली आणि उत्तरप्रदेशची मान्या सिंह ही मिस इंडिया २०२०ची रनरअप ठरली आहे. मान्या सिंहने हा किताब तर जिंकलाच आहे पण अनेकांची मने देखील जिंकली आहेत. मान्याचे वडिल रिक्षाचालक आहेत आणि वयाच्या १४व्या वर्षी तिने स्वप्न पूर्ण करण्यासाठी घर सोडले होते. सध्या मान्याचा एक व्हिडीओ सोशल मीडियावर व्हायरल होत आहे. या व्हिडीओमध्ये ती वडिलांच्या रिक्षातून एका इव्हेंटला गेल्याचे दिसत आहे. दरम्यान तिचे आई वडिल भावुक झाल्याचे दिसत आहे.

#India​ #VLCCMissIndia​ #MissIndia2020​ #ManyaSingh​ #Mumbai