Luciano Somma A Totò

A Totò
di Luciano Somma
Tu 'ncopp''o palcuscenico
si stato n'attrazione,
'o rre d''o munno comico
pe' tre generazione.
Verace figlie 'e Napule
n'he dato buonumore,
sapive fa' miracule
cu' l'arte toia d'attore.
Mado',che Ddio 'e cervella
tenive comme autore
pe' scrivere: 'A LIVELLA
e ' O FINE DICITORE.
Pe' fa' na MALAFEMMENA
ch'e' nu capolavoro,
canzone chiena 'e semmena
ch'ogge se canta ancora.
A sta citta' che campa
'a sempe 'int''o turmiento
tu c'he lassate 'a lampa,
nu sciummo 'e sentimento.
N'eredita' 'e surriso
nu testamiento 'e core
na luce 'e pizzo a rrisa
l'oro 'e nu 'nduratore.
E pe ringraziamento
t'avimmo dedicato
TOTO',nu monumento,StatCounter
tutto pe' tte,allustrato!
Napule e' na famiglia
aunita 'int''o calore
e tu ca le si' figlio
nun puo' muri',nun muore!