SOLO, KOMPAS.TV - Dino Sebtu (15/2/2020) Presiden Joko Widodo teko bareng karo Ibu Negara Iriana Joko Widodo lan putu pertamane Jan Ethes, ngresmekke Stadion Manahan Solo, Jawa Tengah. Lan sakjumlah Menteri Kabinet Indonesia Maju koyok Mensesneg Pratikno, Menteri Perhubungan Budi Karya Sumadi, Menko Polhukam Mahfud MD ugo teko. Sakliyane kuwi ugo ono Gubernur Jawa Tengah, Ganjar Pranowo lan Walikota Solo FX Hadi Rudyatmo ugo wakille. Presiden Joko Widodo nandatangani prasasti njur mudhun ing lapangan lan nyerahke bal marang salah siji anak gawang seng dadi simbolis diwiwitine panggunan Stadion Manahan sacoro resmi. Lan dikarepke Stadion Manahan ndang ditetepke dadi salah siji veneu piala dunia u-20. Koyok dingerteni, Stadion Manahan Solo direnovasi kawet wulan Agustus taon 2018 lan rampung wulan Desember 2019. Anggaran seng ditokke pemerintah sakjumlah 317 milyar rupiah soko APBN. Sakwetoro kuwi, dino Minggu (16/2/2020) Presiden Joko Widodo nekani Hartono Mall Grogol Sukoharjo, ceritone Jan Ethes tampil bareng karo kanca-kancane ing konser sekolah musik lan Jan Ethes dadi salah siji muridte. Lan ing konser iki orak mung ditekani karo Presiden Joko Widodo lan Ibu Negara Iriana, nanging ugo keloro wong tuwane Jan Ethes yoiku Gibran Rakabuming Raka lan Selvi Ananda. Senajan konserre orak kelangsung suwe nanging penampilanne Jan Ethes ngibur penonton.

#StadionManahanSolo #PresidenJokowi #JanEthes