70 વર્ષથી પુસ્તક પ્રસાર ક્ષેત્રે મૂલ્યવાન પ્રદાન કરનાર ભાવનગરની લોકમિલાપ સંસ્થા આજથી વિરામ લેશે

ગુજરાતી ભાષા અને સાહિત્યની વાત આવે ત્યારે સર્જક અને વાચક વચ્ચે કડીરૂપ બનતી પુસ્તક પ્રકાશન સંસ્થાઓની નોંધ પણ અવશ્ય લેવી જ પડે ગુજરાતી સાહિત્ય અને સંસ્કારિતાના ઘરેણાંરૂપ ગણાય એવી ભાવનગરની લોકમિલાપ સંસ્થા 70 વર્ષ પછી રવિવારે બંધ થઈ રહી છે રાષ્ટ્રીય શાયર ઝવેરચંદ મેઘાણીના પુત્ર મહેન્દ્ર મેઘાણી અને પરિવારજનો સંચાલિત આ સંસ્થાએ અનેક મૂલ્યવાન પ્રકાશનો ઉપરાંત અન્ય પ્રવૃત્તિઓ દ્વારા ગુજરાતની ત્રણ પેઢીમાં સંસ્કારિતાનું સિંચન કર્યું છે લોકમિલાપ જેવી સંસ્થા બંધ થવાથી ગુજરાતી સાહિત્યને કદી ન પૂરી શકાય એવી મોટી ખોટ પડશે