CMના બંગલાની દિવાલ પર અપમાનજનક શબ્દો લખાયા,ફડણવીસના કાર્યાલયે બદનામ કરવાનું રાજકારણ ગણાવ્યું

મુખ્યમંત્રીના સત્તાવાર નિવાસ સ્થાન એટલે કે મલબાર હિલ પર આવેલા 'વર્ષા' બંગલાની દિવાલ પર કેટલાક અપમાનજક શબ્દ લખેલા જોવા મળ્યા છે આ અંગે વિવાદ શરૂ થઈ ગયો છે હકીકતમાં દિવાળ પર UT લખી અપમાનજનક વાત લખવામાં આવી હતી આ ઉપરાંત ભાજપ રોક્સ, દેવેન્દ્ર ફડણવીસ રોક્સ જેવી વાતો પણ લખવામાં આવી છે આ અંગેનો એક વિડિયો પણ સામે આવ્યો છે જોકે, એ સ્પષ્ટ થઈ શક્યું નથી કે આ શબ્દ કોણે લખ્યા છે આ સાથે સ્પષ્ટ સંકેત મળ્યા છે કે બંગલામાં આવવા-જવાની અનુમતિ મળી હોય તેવી કોઈ વ્યક્તિ દ્વારા જ આ કામ કરવામાં આવ્યું છે

દેવેન્દ્ર ફડણવીસના કાર્યાલયે આ અંગે નિવેદન આપી પોતાનો પક્ષ રજૂ કર્યો છે તેમણે કહ્યું છે કે ભૂતપુર્વ મુખ્યમંત્રીએ જ્યારે આ બંગલો છોડ્યો હતો ત્યારે દિવાલ પર કંઈ પણ લખાયેલુ ન હતુ આ ખૂબ જ ગંદુ અને નિમ્ન કક્ષાનું રાજકારણ છે દેવેન્દ્ર ફડણવીસે કહ્યું છે કે આ અમને બદનામ કરવાનો પ્રયત્ન છે શિવસેનાના નેતા અને પ્રવક્તા પ્રિયંકા ચતુર્વેદીએ કહ્યું છે કે લોકો બધુ જ સમજે છે