കുടിവെള്ളം ഇനി സ്വപ്നമോ?

മഞ്ഞു മൂടിക്കിടക്കുന്ന മലനിരകളാണ് ഹിമാലയൻ മലനിരകൾ. ഹിമാലയത്തിലെ മഞ്ഞുപാളികളെക്കുറിച്ച് പുറത്തുവന്ന പുതിയ പഠനങ്ങൾ കാലാവസ്ഥാമാറ്റത്തിന്റെ സൂചനകളാണ്. അമേരിക്കയിലെ ഒഹായോ സ്റ്റേറ്റ് യൂണിവേഴ്സിറ്റിയിലെ ഗവേഷകർ നടത്തിയ പഠനത്തിൽ ഹിമാലയത്തിന്റെയും ആൻഡീസ് പർവതനിരകളുടെയും ഉള്ളിലുള്ള മഞ്ഞുപാളി കൾ അതിവേഗം ഉരുകുന്നതായി കണ്ടെത്തി. 10,000 വർഷ ങ്ങൾക്കിടയിലെ ഏറ്റവും വേഗത്തിലുള്ള മഞ്ഞുരുക്കമാണത്രേ ഇത്. ഹിമാലയത്തിൽ നിന്ന് ഉദ്ഭവിക്കുന്ന നദികളെ ജലസമ്പന്നമാക്കുന്നത് ഈ മഞ്ഞുപാളികളാണ്. ഇവ അതിവേഗം ഉരുകുന്നത് ആദ്യം ഈ നദികളിൽ മിന്നൽപ്രളയങ്ങൾക്ക് കാരണമാകുന്നു. മഞ്ഞുപാളികൾ നശിക്കുന്നതോടെ നദികളും ഇല്ലാതാകും. നദികളെ ആശ്രയിച്ച് ജീവിക്കുന്ന ആയിരക്കണക്കിന് ആളുകളെയാണ് ഇത് ദുരിതത്തിലാക്കുക.