સાપને પકડતાં ડરતી મહિલા તેની પાછળ અજગરને જોઈને ભાગી

સિંગાપોરમાં આવેલા એક પ્રાણીસંગ્રહાલયમાં ચાલી રહેલા એનિમલ એક્સપિરિયન્સ શોનો લ્હાવો લેવા ગયેલી એક મહિલાની ડરના માર્યા હાલત કફોડી થઈ હતી ઝૂના સ્ટાફ સાથે આ મહિલા જ્યારે સાપને સ્પર્શ કરીને તેને હાથમાં લઈને રમાડવામાં પણ ડરતી હતી તેની આવી હાલત જોઈને બંને ઝૂકીપર મહિલાઓ તેને હિંમત આપી રહી હતી, ત્યાં જ અચાનક જ અન્ય સ્ટાફ હાથમાં 17 ફૂટનો મહાકાય અજગર પકડીને તેની પાછળ આવીને ઊભા રહી ગયા હતા તેના પાછળના ભાગે કંઈક સ્પર્શ થતાં જ તેની નજર આ મહાકાય અજગર પર પડી હતી નાના સાપને પકડવામાં પણ ડરતી આ મહિલા અજગરને જોઈને તરત જ બૂમબરાડા કરીને ત્યાંથી ભાગી હતી એક તબક્કે જો ઝૂની મહિલા સ્ટાફે તેને પકડી ના હોત તો તે સીધી જ પાણીમાં કૂદી જાત સોશિયલ મીડિયામાં મહિલાના આવા ડરામણા અનુભવ અને અજીબોગરીબ એક્સપ્રેશનનો વીડિયો વાઈરલ થયો હતો