અફઘાનિસ્તાન સામેની મેચ પહેલાં વિજય શંકર ઈજાગ્રસ્ત

શિખર ધવન અને ભુવનેશ્વર કુમાર પછી વિજય શંકરનું નામ પણ ભારતના ઇજગ્રસ્ત ખેલાડીઓની સૂચિમાં ઉમેરાઈ ગયું છે શંકર બુધવારે ટીમ સાથે અફઘાનિસ્તાન સામેની મેચ માટે સાઉથહેમ્પટન ખાતે નેટ્સમાં ટ્રેનિંગ કરી રહ્યો હતો ત્યારે તેને જસપ્રીત બુમરાહનો બોલ પગના પંજા ઉપર વાગ્યો હતો તે પછી શંકર ફીઝિયો પેટ્રિક ફરહાર્ટ પાસેથી સારવાર લેતો જોવા મળ્યો હતો

ટીમ મેનેજમેન્ટના એક મેમ્બરે પીટીઆઈને કહ્યું હતું કે, 'અત્યારે આ ઇજાથી પરેશાન થવાની જરૂર નથી શંકર તકલીફમાં હતો, પરંતુ થોડા સમય પછી તેણે દુખાવાની ફરિયાદ કરી ન હતી અમે આશા રાખીએ છીએ કે આ ઇજા ગંભીર ન હોય' શંકર ચોથા નંબરે બેટિંગ કરવા ઉપરાંત પાર્ટ ટાઈમ મીડિયમ પેસ બોલિંગ પણ કરે છે તેણે પાકિસ્તાન સામેની મેચમાં તેમના કેપ્ટન સરફરાઝ અહેમદ સહિત 2 મહત્ત્વની વિકેટ લીધી હતી શિખર ધવન અંગુઠાની ઇજાના લીધે વર્લ્ડકપની બહાર થઇ ગયો છે, જયારે હેમસ્ટ્રીંગના લીધે ભુવનેશ્વર કુમાર આગામી 2 મેચની બહાર થઇ ગયો છે તેવામાં શંકરની ઇજા ભારતીય ટીમ મેનેજમેન્ટની તકલીફમાં માત્ર વધારો કરે છે