صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

في آخر المباريات عديمة القيمة الزمالك يتعادل مع سموحة و يخرج سليم من غيابات القمة
الزمالك بيبدأ اللقاء بحارس مصر الأوحد احمد الشناوي قدامه 4-3-3 كوفي و علي جبر قلبين دفاع على يمينهم حازم امام على شمالهم حمادة طلبة قدامهم طارق حامد على يمينه احمد توفيق على شماله معروف يوسف قدامهم 3 على اليمين ايمن حفني على الشمال محمد ابراهيم و الأتنين يميلا للعمق تحت مهاجم مصر الأول باسم مرسي
اللعب بحفني و محمد ابراهيم بيعني 2 صناع لعب بيميلوا للعمق النتيجة ان الأتنين كانوا بينزلوا يستلموا بشكل بيزحم نص الملعب و بيفضي الأجناب الهجومية فمكناش عارفين نطلع على حد و لجأنا للطوليات العالية لباسم وسط 3 مدافعين ده غير ان وجود هيما و حفني برضه بيعني ان اي عرضية بيكون باسم لوحده في ال18 .. الوحيد اللي بيدخل ال18 من اجنحتنا هو كهربا اللي بمجرد ما نزل بقى ياخد الكورة و يجري و تتقطع ويتش اذ الطبيعي بتاع كهربا يعني
شوطين شبه بعض .. استحواذ من الزمالك مرتدات خطيرة من سموحة و الشناوي بيتعملق و يشل حسام باولو لغاية ما محمد ابراهيم في احد اقل مباريات مبيرضاش بمجرد فاول و انذار و بيصمم يزود رصيده من الاسيستات لمهاجم مصر الأول اللي لو كان معانا من اول الموسم مكنش اللي كان كان
معنديش لوم كبير على لايعبة نصهم خايف من انذار تاني و النص التاني خايف من الأصابات ولا عندي لوم على محمد حلمي اللي بدل ما يرتب و يخطط للمستقبل و افريقيا لقى نفسه في مواجهة مع رئيس ناديه بشكل وتر الماتش اللي ملوش لازمة لكن عندي لوم على خبرة اللاعيبة و عدم قدرتهم على تسيير الماتش بعد التقدم .. بعد التقدم يا بتروح تخلص يا بتمرر كتير و تقتل الرتم مش تاخد الكورة تعدي نص الملعب و تفقدها و ترجع بمنتهى البساطة تحطنا تحت الضغط و تحط اللاعيبة المهددة بانذارات تحت ضغط مضاعف .. اسلوب تسيير اللقاء الفقير جدا بعد التقدم بيضرب جرس انذار على ماتشات الكاس و افريقيا اللي مفيهاش تسامح
الزمالك لعب كل الركنيات وحش و بمناسبة الركنيات الأهلي بيلعب كل الركنيات على العارضة القريبة .. كلها يا لرامي ربيعة يا لحسام غالي المهم انها ع القريبة .. لو سجلوا منها الماتش الجاي هرمي نفسي م الشباك
الجميع و انا منهم مقصرين في تقدير حسام باولو حق قدره .. فرود صندوق مذهل سريع التفكير جيد التحرك خطاف و بيشوط بقوة و الكورة تحت رجله .. هداف الدوري عن استحقاق
اخيرا شخص يقارن الشناوي بشريف اكرامي ثم يغرقه اكرامي فيروح يتمحك في الحضري و يقولك الأتنين وحشين هو شخص غير جدير انه يسلك سماعة الموبايل