صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

محمود عبد الرحيم جنش يصعد بالزمالك للمرة الرابعة على التوالي و السابعة آخر 10 سنين الي نهائي كاس مصر .. يارب الكاس

اداء هزيل متكاسل منزوع الروح و الحماس بينتج عنه فوز غير مستحق مكنش ممكن نوصله الا بستر ربنا اولا ثم جنش ثانيا .. السؤال لللاعيبه حد قالكم اننا خدنا الدوري فشبعنا؟ الدوري خلص و فرحنا و خلصنا .. صفر العداد محدش له رصيد اكتر من ادائه في الملعب كل ماتش .. اللوم على النتيجة ؟ لا طبعا ياما خسرنا و صقفنا و شجعنا عشان كنا عاملين اللي علينا .. الفوز و الخسارة مش دايما في ايدك اللي في ايدك تعمل اللي عليك و مادام معملتش اللي عليك تستحق اللوم على المكسب الغير مستحق زي ما بتستحق المساندة على الخسارة الغير مستحقة ..
من اول لحظة تستشعر ذكاء محمد يوسف في التعامل مع اللقاء .. اولا ضغط عالي على الزمالك من نص ملعبه بالتمركز الجيد ثم الانقضاض المفاجيء بمجرد وصول الكورة لأي من الجنبين حازم او طلبة .. ثانيا ضغط شديد مستمر من نص الملعب و احد الفرودين باولو و العجيزي دايما على طارق حامد من فوق و تحت بمجرد استلام الكورة

بلغ انعدام الروح درجة من الأستفزاز يمكن تلخيصها في عدة مشاهد .. اولا الزمالك له ضربتين جزاء اول ربع ساعه .. حد اعترض حد عمل دوشة حد اتخانق حد اتضايق حد قفش حتى مفيش .. سموحة وقع من ال11 لاعيب 45 لاعيب على مدار اللقاء حد راح يضغط على الحكم و يقوله يحسب الوقت الضايع حد طالب الحكم بضرورة علاج اللاعيبه بره الملعب حتى مفيش .

زي ما كلنا حفظنا القاعدة التحكيمية اللي بتقول حامل الراية رأيه استشاري طول ما قراراة في صالح الزمالك و الزامي طول ما القرار ضد الزمالك و زي ما كلنا عارفين ان حامل الراية يقدر يشوف فاول حمودي بوضوح شديد لكن ميقدرش يشوف ضربة جزاء لباسم من مسافة اقرب.

الحقيقة ان جنش بيجتهد و بياخد بالأسباب قدر استطاعته الحقيقة ان جنش ساهم بدور محترم في بعض التعاقدات السنه دي الحقيقة ان جنش بيشهد تطور كبير في مستواه عموما خصوصا في جزئية التحرك داخل منطقة الجزاء الحقيقة ان جنش صعد بينا دورين ال8 و قبل النهائي و كان نجم المباراتين و بالتالي و بغض النظر عن مباراة الفاينال فجنش هو نجم الكاس .. الحقيقة انه عاش يا ابو الأجناش

كلام رئيس النادي عن التشكيل و التغييرات هو اسوء من اسوء شيء كان يمكن عمله بعد الماتش مما ينذر بعودة ذر التدمير الذاتي للحياة من جديد

...حط الامور في حجمها الحقيقي .. نفسك لو اتحملت فوق طاقتها هتلعب ضدك .. اعمل اللي عليك و خليها علي الله و اي ان كان المكتوب هنعيشه مع بعض