صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z


صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

الزمالك بيبدا اللقاء بابوجبل لحراسة المرمى قدامه 4-2-3-1 كوفي و اسلام جمال قلبين دفاع على يمينهم عمر جابر على شمالهم احمد سمير قدامهم في نص الملعب طارق حامد و محمد شعبان قدامهم 3 على اليمين مصطفى فتحي على الشمال احمد عيد في العمق ايمن حفني تحت مهاجم وحيد باسم مرسي

ربع ساعة عظيمة تليق ببطل الدوري تلتها 75 دقيقة اقل تليق بالنط في البوول والرقص طول الليل على فرتكة فرتكة .. كوفي رائع كالعادة .. اسلام اثبت كتير .. سمير معقول طول ما الكوره في رجله و جيد في العرضيات بالذات و سيء جدا وهو بيدافع عليها .. طارق حامد مذهل يغيب يغيب و يرجع مان اوف ذا ماتش .. يمكن لياقة شعبان مساعدتوش في الزمالك لكن لمسنة لسه بتنطق رؤية و ثقه و موهبه و كورة .. جايز شعبان مقدرش يدينا الكورة اللي عايزها و عايزينها في الزمالك لكن ادانا زمالك .. ملعونة الظروف اللي حرمتنا منك طول السنين دي يا شعبان .. اي كان مصيرك معانا انتزعت حب و احترام و تقدير كبير هيعيشوا معاك طول عمرك

تميز كبير من معروف يوسف في السيطرة على الكورة و الخروج بيها من تحت لفوق و كمان الأنطلاق في ظهر دفاعات الخصم .. و كأن الزمالك عمل صفقة جدبدة بكل الصفقات .. ايه يا معروف الثقه و المعلمه و الحرفنه و الروقان و السلطنه دي .. جورج وسوف بيلعب

يمكن ميكونش لاحمد عيد حظ اعلاميا لكن له حظ كبير في قلوب الجماهير اللي بتقدر قيمة النجوم .. النجوم بجد النجوم بقيمتهم و عطائهم و التزامهم و دورهم الفني و القيادي جوه و بره الملعب .. عيد كابتن و ان مكانش الكابتن و عمر كابتن لأنه قدر قيمة الكابتن حازم بقى كابتن لانه مركب جنوط وش رجله

فريق بيغير 4 مدربين في سنه طبيعي يكون يا هبط يا بينافس على الهبوط .. ده في قوانينكم .. لكن احنا الزمالك و الزمالك طول عمره بيحكم بقوانينه اي حاجه مبتحصلش عندكم بتحصل عادي عندنا .. متسالنيش دي حاجه حلوه و لا وحشه لأنها لا حاجه حلوه و لا وحشه هي حاجه زمالك
الجهاز الأداري الحالي بقيادة تيجانا و المستمر من اول باتشيكو مرورا بمحمد صلاح انتهاءءا بفيريرامع الجيل الحالي من لاعيبة الزمالك اللي مبيلعبش قبل اللي بيلعب عزفوا سيمفونية روح و جماعية و انكار ذات قوت الزمالك و ضاعفت من فرصه لتحقيق البطولة .. مبروك عليكم الفرحه تستحقوها

في لقطات ممكن تعبر عنها بكلام لكن في لقطات بتعجز الكلام و بتقهر قدرته على التعبير .. عينه مشافتش بطولات مشفاتش ماتشات مشافتش اللاعيبه اللي بيهتف باساميهم بس قلبة عارف الزمالك اكتر مننا كلنا