صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

قادماً من ذكريات سان جورج باثيوبيا ابدولاي سيسيه يفتك بامل لأفريقيه بعد ايام من تمزيق الشناوي لطموحات امل المصريه .. في ناس تعبوا و تعبوا معانا امل اوي السنه دي و ان شاء الله لسه هيتعبوا كتير

آخر مره فاز فيها الزمالك باول مباراة بدوري المجموعات كانت في الشامبيزنزليج امام اسيك من 13 سنه .. في نفس السنه توج الزمالك بآخر بطولة افريقية له .. و ان شاء المولى راح نرسي في ميناء


كعادة زمالك فيريرا 45 دقيقه بنتعذب ثم 45 دقيقه بنعذب الخصم ..


بدخول ايمن حفني قلب الملعب و اعطاءه المزيد من الحريه تغير شكل الزمالك تماما .. حفني اللي مستوى خياله اعلى من سقف توقعات الفريقين اصبح عنده من المساحه لممارسة الخيال ف كل مكان في الملعب .. سقط و استلم و عدى بالكوره نص الملعب و رقص و وصل زمايله و اخد فاولات و وفر للزمالك فنيا حاجات تتحس و لا تتقالش .. لو رقم 14 في الزمالك بيتكلم هيقول حفني

اوباما بيشارك مكان توفيق بيلعب في نفس مكانه مع تعليمات بدخول ال18 مباشرة في العرضيات ثم بيأتي الريسك الاجباري بنزول سيسيه مكان حماده طلبه

طفل معجون زمالك بيهز الشبكه حفني بيستلم بيدخل ال18 بيسوح 3 لاعيبه بلعبه فوق مستوى فهمهم عمر مبيتسربعش بيقف بيبص و ستوب نقف هنا بقى .. نص الجول في حاسة المهاجم اللي خلت سيسيه يقرر يقطع على القريبه .. في سيناريو تخيلي لو سيسيه مش في الملعب و فراودة الزمالك كلهم واقفين ورا المدافعين كان عمر يا هيشعلقها عالي و تطلع يا هيشوط بقوة على الأرض يمكن تخبط و تدخل .. سيسيه بخطوتين عبقريتين لقدام شبه الخطوتين اللي اخدهم في سنتين في اثيوبيا خلق حل مختلف لعمر جه منه جول .. القطع على القريبه من مجرد مهاره دي بيتبني عليها المهاجم .. مهاجم كبير زي عماد متعب نص تاريخه في كور قطع فيها قبل المدافع و الحقيقه المخجله هنا ان كل فراودة الزمالك بما فيهم باسم مرسي و باستثناء سيسيه بيستنوا ورا المدافع .. تسلم حاستك و تفكيرك و يمينك يا ابن اللاعيبه .. سيسيه طويل و رفيع .. بس كرباج


خد بالك البنا ممكن ياخد سنه و الهد ياخد لحظه لكن بعد لحظة الهد اعادة البنا مش هياخد نفس السنه .. ده هياخد سنين .. في حاجات بتحصل مره واحده نفحات من ربنا ارزاق لا يجيبها فلوس و لا يعوضها فلوس .. حفني مش للبيع