صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

سكربت نهائي

تحكيم فاجر و بطل لا يخسر الا بفعل فاعل و امل حالفة ما تهدى على ال7 نقط الفاضلين غير لما الزمالك يجييبهم في الديربي

لعبت ماتش وحش الخصم كان جيد الحكم كان ضدك وخسرت .. بس .. مش كل خسارة في الدنيا تحمل اسباب عميقه و فلسفات خزعبليه و اشارات غير مباشرة من السماء .. في فوز عادي و هزيمة عادية .. بتحصل .. لو في شيء زاد هو انك هتفوز ان شاء الله بالدوري بشكل امتع .. بدل ما انت كسبان ماتش بجول في الدقيقه 20 هتأخر الفوز شوية عشان يبقى طعمه احلى .. خلي امل تاكل عيش

جماعية الزمالك انحصرت في كيفية نقل الكوره لواحد هيشتغل في النهايه فردي .. جماعيه تفضي في نهايتها الى فرديه .. ازاي نتعاون مع بعض عشان نوصل الكوره لحفني او مصفى فتحي في موقف واحد لواحد كويس .. و عشان حفني و فتحي و عيد كانوا سيئين فالجماعيه افضت الى لا شيء

مجاملة الخطأ تواطؤ معه .. الموسم اثبت ان الزمالك مفيهوش مهاجمين غير باسم مرسي .. احمد علي بيجتهد كتير و بيجيد قليل .. خالد قمر بيجتهد قليل و بيجيد اقل .. اتنين مهاجمين منهم واحد على الأقل ليفيل A هما اولويات الزمالك في موسم الأنتقالات

شيل الفنيات على جنب و تعالالي هنا بقى .. في 2010 ماتش الزمالك و الشرطه الحكم توفيق السيد حسب فاول و حامل الرايه الأقرب للعبه حسب ضربة جزاء اتحسبت فاول وقالك معلش رأي المساعد اللي كان اقرب للعبه استشاري .. في الدور الأول السنه دي المساعد الأستشاري السكران حسب فاول على ميمون زكريا (سيبها بصوتي بس من غير صوره على مؤمن و اللي يلقطها يلقطها) من 40 الف متر ساعتها مكانش استشاري .. انهارده ابراهيم نور الدين شاف ان رأي حامل الرايه محمد حسن اهم من رأيه .. بص هو اللايحه بتقول لو الزمالك مستفيد فرأي حامل الرايه استشاري .. لو الزمالك مش مستفيد فمتسمعش كلام ابوك بس اسمع كلام حامل الرايه بحسب اللايحه .. طبعا كلنا عارفنا لايحه دي تبقى مين

انا مش مركز معاك و البطوله اللي هتاخدها دي انا خدتها ايام العدوان الثلاثي و دولاب البطولات بينقط ع اللي تحتنا و مش عارفين ينشروا بس اول ما بتجيلي اي فرصه ارهاب تفجيرات حر زلزال انشاله يكون صلاح سالم واقف بشبط زي العيال و بطالب بالغاء الدوري و لو امل راودتني عن 3 نقط تقليص في الفارق بعمل هاشتاج و بحمل لعبة امل الشقيه .. بص انا بائس و بحاول اعمل صايع بس متقولش لحد