الكورة مش مع عفيفي #3 - تحليل مباراة مصر وتنزانيا 14-6-2015

صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

اخيرا وعلى عكس المتوقع مؤخراً منتخبنا متماسك منظم مسيطر متصدر .. لسه بدري بس حلوه البدايات

المنتخب بيبدأ اللقاء بالشناوي لحراسة المرمى قدامه 4-4-2 كلاسيك و قد نطلق عليها 4-2-4 لقلة الواجبات الدفاعيه للجناحين .. حجازي و ربيعه قلبين دفاع على يمينهم حازم امام على شمالهم عبد الشافي .. قدامهم محورين ارتكاز النني و ابراهيم صلاح قدامهم وينج رايت محمد صلاح و وينج ليفت كهربا تحت اتنين مهاجمين دودو الجباس و احمد حسن مكي

ضيق الوقت و ضعف المنافس و قايمة الأصابات و الأرهاق الطويله متخليناش قادرين على تفصيص هيكتور كوبر بشكل كامل لكن في ملامح لا تخطئها العين

التشكيله تفادت اكبر قدر ممكن من لاعيبة الزمالك والأهلي .. معرفش دي قناعات فنيه ولا كوبر قالك ابعد عن الشر مؤقتا و غنيله .. اتمنى تكون قناعات فنيه و ميكونش حد نجح يشتت الراجل في شغل اللملمه بتاعنا ده

علم خلق المساحات و استغلالها هجوميا او غلق نفس المساحات ومواجهة محاولات اختراقها دفاعيا علم كبير مفيش لاعيب ولا مجموعة لاعيبه يقدروا يستوعبوه او يطبقوه لوحدهم مهما بلغت قدراتهم الذهنيه .. لازم مدرب

في الشوط التاني بيتدخل كوبر بادخال باسم مرسي على حساب دودو او دودي .. هو جباس يعني .. بعد نزوله بدقايق بيتسبب باسم في كورنر بييجي منه الجول الأول ثم بيسلم و ينطلق في المساحه من نص الملعب و بيقابل عرضية صلاح بلقطة فان بيرسيه جميله مسجلا الهدف التاني .. الله يرحم ابوك يا باسم مات و ساب مهاجم مصر الأول يفكر الناس بيه كل ماتش

رمضان صبحي و مصطفى فتحي هما مستقبل منتخب مصر و ياريت كل لاعيب يتعلم منهم ازاي تقدر في وقت قصير تعتمد على نفسك و تفرض وجودك بدون اعذار و تلاكيك و اصل بتأقلم اصل الأجواء اصل الباقه خلصت اصل الدائري واقف