Alyaa Gad - Fainting الإغماء
تخيلوا معايا لو لاقينا مصاب في الشارع أو في البيت شكله مغمى عليه أو فاقد الوعي وإحنا عاوزين ننقذه نعمل إيه الخمس حاجات اللي قولنا عليها لازم نهتم بيها دايما ناخد بالنا من الخطر اللي حوالينا يعني لو في الشارع وشايفين حد كدة لازم نتأكد الأول إن مافيش عربيات جاية على أساس قبل ما أجري أنقذه تاني حاجة أعرف هو فيه إيه؟ إيه مشكلته؟ فا أول حاجة لازم أعرفها لما ألاقي المصاب نايم على بطنه إن أنا أعرف هو بيتنفس ولا لا؟ وعنده نبض ولا لا؟ الحاجات دي بنقول عليها العلامات الحيوية يعني إيه؟ علامات إنه عايش فا لازم أعرف هو بيتنفس ولا لا؟ وعنده نبض ولا لا؟ أعمل كدة إزاي؟ لو أنا شايفة العيان نايم على بطنه كدة ومديني ظهره أنا مش ها أعرف يعني أميز إذا كان بيتنفس أو لا فا لازم أقلبه على ظهره بحيث يبقى بطنه موريني بطنه ووشه علشان أعرف أقيس الحاجات دي ها نعمل كدة إزاي؟ لما المصاب يكون نايم بالطريقة دي ها أدور على الناحية اللي أقدر أقلبه فيها فا أحسن إن أنا أقلبه على الناحية اللي هو ها يلف على ظهر رأسه فا أنا قررت إن أنا أقلب جابريل على ظهر رأسه من هنا يعني كدة على الناحية دي نعمل إيه؟ ها نعمل 3 خطوات مهمة أول حاجة نرفع الذراع اللي ها نلفه ها نلف العيان على ناحيته يقول أنا الناحية دي لفني عليها فا العيان ها يعمل إيه؟ بشويش كدة تلف الذراع لحد فوق يقول كأنه بيقول هي الناحية دي تلفني عليها ويبقى مستقيم تماما الحاجة التانية إنه ذراعه التاني يبقى نازل لتحت على طول الجسم خد بالك إنه ما تكسرلهوش كتفه وأنت بتحرك الحاجات دي ما تخلعلهوش كتفه بشويش القدم اللي ها تلف بالاتجاه بتاعنا ها تشاور عليه يعني القدم دي ها تطلع على القدم دي وتشاور على الاتجاه اللي إحنا ها نلف عنده وبعدين تروح أنت ماسك المصاب من إيده وطرف بنطلونه وكتفه وتقوم لفه حواليك دلوقتي أنت شايف المصاب من الأجزاء اللي أنت تقدر تكشف عليه بيها okey? دلوقتي ها تعمل إيه؟ لما تيجي تقترب من المصاب وتحاول تعالجه خليك في وضع ثابت يعني مثلا أقعد في الأرض زي ما أنا قاعدة كدة أو أقعد على ركبك خليك ثابت أحسن على الركبتين علشان لو حد ذقك من ورا ما تقعش على المصاب وبعدين ها تحاول تشوف إذا كان هو بيتنفس ولا لا تعمل كدة إزاي؟ حاجة أنك تحط إيدك على بطن المصاب وتشوفها بترتفع وتهبط ولا لا؟ وتحاول تكله أيوة أنت كويس؟ أنت اسمك إيه؟ بصوت عالي كدة أنت كويس حصلك إيه؟ رد عليا اسمك إيه؟ يمكن يحرك عينيه شوية يبقى معنى كدة إن هو مغمى عليه وتشوف هو بيتنفس ولا لا؟ حاجة تانية أنك ممكن تقرب من أنفه وتحاول تسمع هو بيتنفس ولا لا؟ بس في مكان مزعج صوته والأصوات عالية مش ها تسمع أوي فا أحسن حاجة تحاول تحط إيدك على بطنه كدة وتشوفه بيتنفس ولا لا؟ ترتفع الإيد وتهبط ولا لا؟ لو ما لاقيتش تنفس الحركة الجاية أنك تحاول تشوف النبض تشوف النبض إزاي؟ تيجي عند ذراعه عند الإبهام ها يشاور لك على الناحية اللي تشوف منها النبض وتحط الثلاث صوابع على إيدك من إيدك على العيان في ناحية الذراع من هنا وحاول تحس النبض لو حسيت نبض يبقى هو مغمى عليه يعني فاقد الوعي كل اللي محتاجه إنه يفضل أفقي كدة لحد ما يفوق لاحظوا معايا رأسه عاملة إزاي؟ رأسه على جنب بحيث إنه لو يعني أبتدى يتقيأ القيء ينزل على برة طريقة أحسن من كدة إن هو..

Subscribe to official Alyaa Gad channel : http://bit.l