1- يكون راجل مسئول ويقدر يفتح بيت ويعتمد عليه وإلا هتشيلي انتي هم البيت وهتكبري قبل الأوان 2- مش بخيل لأن البخل ده مرض وكمان هيكون بخيل في مشاعره مش بس مادياً 3- حنين ودي أهم حاجة تلاقيها في راجل لأن في رجالة بتفتكر إن الحنية عيب وبيتعمد يظهر إن شخصيته قوية عليكي 4- مش بياخد رأي أصحابه وعيلته في علاقته معاكي لأن ماينفعش حد يعرف تفاصيل علاقتكم 5- مايقولكيش عادي إن واحد يوصلك وتفتكري إن دة أوبن مايندد الراجل اللي مش بيغير علي حبيبته دة مش راجل 6- قراراته من دماغه ماينفعش أهله هما اللي يقرروا الشقة هتبقى فين والدهب بكام والأولاد يدخلوا مدرسة إية 7- يكون بار بوالديه ده كده هيراعي ربنا فيكي وفي فرق بين بيرضي أمه وبين بيدخلها في حياته الشخصية 8- يحترم رأيك ويحسسك إن تفكيرك ناضج لأن لو ماحترمش رأيك عيالك مش هيحترموكي 9- يستحمل زنك ودي مش هتلاقيها إلا قليل ولازم يكون بيحبك جداً وأنتي كمان حاولي ماتبقيش زنانة 10- يكون شايفك أجمل بنت ومايقارنش بينك وبين الستات عشان دة هيقلل ثقتك في نفسك
Follow us on: ▶http://www.itfarrag.com/ ▶https://www.facebook.com/itfarragofficial ▶https://twitter.com/itfarrag ▶https://plus.google.com/+Itfarrag
