Narendra Modi | ഗരീബി ഹട്ടാവോ കേവലം ഒരു മുദ്രാവാക്യം മാത്രമാണെന്ന് പ്രധാനമന്ത്രി

ഗരീബി ഹട്ടാവോ കേവലം ഒരു മുദ്രാവാക്യം മാത്രമാണെന്ന് പ്രധാനമന്ത്രി നരേന്ദ്രമോദി പറഞ്ഞു. ദാരിദ്ര്യ നിർമ്മാർജ്ജനത്തിന് വേണ്ടി കോൺഗ്രസിന് ഇതുവരെ ഒന്നും ചെയ്യാൻ സാധിച്ചിട്ടില്ല. പകരം ദാരിദ്ര്യനിർമ്മാർജ്ജനത്തെക്കുറിച്ച് ഇവർ ഘോരഘോരം പ്രസംഗിക്കുക മാത്രമാണ് ചെയ്യുന്നതെന്നും പ്രധാനമന്ത്രി വ്യക്തമാക്കി . ഓരോ പ്രാവശ്യവും അധികാരത്തിലെത്തുമ്പോൾ ഇവർ ദാരിദ്ര്യനിർമ്മാർജ്ജനത്തെക്കുറിച്ച് പ്രസംഗിക്കുകയാണ്. എന്നാൽ ദാരിദ്ര്യത്തെ ഇല്ലായ്മ ചെയ്യാൻ വേണ്ടിയുള്ള ഒരു നടപടികളും കോൺഗ്രസ് സ്വീകരിക്കുന്നുമില്ല. തെരഞ്ഞെടുപ്പ് അടുക്കുമ്പോൾ കർഷകരെ ഓർക്കുന്നവരാണ് കോൺഗ്രസുകാർ. ഇപ്പോൾ കർഷകർക്ക് കപടവാഗ്ദാനങ്ങൾ നൽകുകയാണ് കോൺഗ്രസ് ചെയ്യുന്നതെന്നും പ്രധാനമന്ത്രി വിമർശിച്ചു.